चितबन : विश्व नै कोरोना सक्रमणको कठिन मोडमा अाएपछि विपन्न,अपाङ्ग परिवारहरुको समस्या टार्न खाद्यान्न वितरण गरिएको छ । चितबनका विभिन्न ठाउँमा बसोबास गर्ने १ सय १ विपन्न , अपाङ्ग परिवारलाई खाद्यान्न वितरण गरिएको हो ।यस्तो अबस्थामा मुलक पुरै लकडाउन भएको कारण विपन्न परिवारलाई  चितवनका समाजसेवीहरुले खाध्यान्न सहितको सहयोग गरेका छन्।
उनीहरुलाई पतन्जली योग समिती चितवनका संरक्षक एवं देवघाट क्षेत्र विकास समितीका पुर्व अध्यक्ष टंकनाथ पौडेल , योग समितीकै संरक्षक एवं  माडवारी सेवा समितका केन्द्रिय उपाध्यक्ष उमाशकंर अग्रवाल लगातकाले खाद्यान्न सहयोग गरेका हुन् । लकडाउनका कारण मजदुरी गर्दै आएका परिवारलाई जीविकोपार्जनमा समस्या भएपछि उनीहरुलाई खाद्यान्न वितरण गरिएको देवघाट क्षेत्र विकास समितीका पुर्व अध्यक्ष टंकनाथ पौडेलले बताए ।उनका अनुसार ठिमुरा,रामनगर, देवघाटमा रहेका ५१ विपन्न परिवारले चामल, नुन, तेल र साबुन पाएका छन् ।

त्यस्तै माडवारी सेवा समिती केन्द्रिय उपाध्यक्ष उमाशकंर अग्रवाल र उनका परिवारले भरतपुर १ दियालोरोड मा रहेका अति  विपन्न  ,अपाङ्ग भएका ५० परिवारहरूमा खाध्यान सहित सेनिटाइजर सहयोग गरेका छन् । राहत वितरण गर्दा पुरै सुरक्षाको सर्तकता साथ वितरण गरेको युवा समाज सेवी चन्दन अग्रवालले बताए । सो अवसरमा  भरतपुर काली बहादुर गणका कर्नेल श्री विज्ञान खनाल ,शसस्त्र प्रहरी वल का प्रमुख श्री खेम थापा , भरतपुर वडा  नं  १ का कार्यवाहक अध्यक्ष यम राना सदस्य राम माया पिया लगायतको उपस्थिति रेहेको थियो ।