चितवन । सेन्ट्रल कलेज चितवन जिल्ला ए डिभिजन लिगमा माडी ११ फुटबल क्लबले महत्त्वपूर्ण ३ अंक जोडेको छ । लिग अन्तर्गत आज (मंगलबार) भएको पहिलो खेलमा यात्रा ग्रुप भरतपुरलाई ३-० ले हराउँदै माडीले ३ अंंक जोडेको हो । माडीको जितमा सन्देश महतोले दुई तथा आशिष भुजेलले एक गोल गरे । खेलको चौथो मिनेटमा नै आशिषले गोल गर्दै माडीलाई अग्रता दिलाएका थिए ।

१७ औं मिनेटमा सन्देशले गोल गर्दै माडीको अग्रता दोब्बर बनाए । ३८ औं मिनेटमा सन्देशले व्यक्तिगत दोस्रो गोल गरेपछि माडी ३-० ले विजयी भयो । उनी नै म्यान अफ दि म्याच भए । आजै सम्पन्न अर्को खेलमा बराबरी गर्दै रामपुर फुटबल क्लब रड्स र नारायणगढ फुटबल क्लब (एनएफसी) ले अंंक बाँँडेका छन् । प्रतिस्पर्धात्मक खेलमा दुबै टोली २-२ गोलको बराबरीमा रोकिएका हुन् ।

रामपुरका लागि अश्विन पाख्रीन र चित्रबहादुर कुमालले गोल गरे । एनएफसीका प्रवेश गुरुङ र सुगम तामाङले गोल गरे । खेलको नवौं मिनेटमा अश्विनको गोलमा रामपुरले अग्रता लियो । तर ४० औं मिनेटमा प्रवेशले एनएफसीका लागि बराबरी गोल फर्काए । ४८ औं मिनेटमा सुगमले गोल गरेपछि एनएफसीले अग्रता लियो । तर ६२ औं मिनेटमा चित्रको गोलमा बराबरी गर्दै रामपुरले एनएफसीसँँग एक अंंक खोस्यो । रामपुरका अश्विन म्यान अफ दि म्याच भए । आजको खेलसँँगै लिगमा दोस्रो चरणका खेलहरु सम्पन्न भएका छन् ।

बुधबारबाट तेस्रो चरण सुरु हुनेछ । तेस्रो चरणको पहिलो खेल बुधबार २:३० बजे पानस युवा क्लब र आई स्टडी गीतानगर ब्वाइजबीच हुनेछ । बुधबार नै दिउँसो ४:३० बजे दोस्रो खेलमा सौराहा युवा समान र नारायणी फुटबल क्लबबीच प्रतिस्पर्धा हुनेछ । चितवन जिल्ला फुटबल संघको आयोजनामा जारी प्रतियोगिताको मुख्य प्रायोजकमा सेन्ट्रल कलेज अफ भोकेसनल ट्रेनिङ प्रालि रहेको छ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै