चितबन : विश्व नै कोरोना सक्रमणको कठिन मोडमा अाएपछि रोटरी क्लब अफ नारायणगढले विपन्न परिवारहरुको समस्या टार्न खाद्यान्न वितरण गरेको छ । चितबनका ईच्छाकामना गाउँपालिकामा बसोबास गर्ने १०० जना दैनिक ज्याला मजदुर गरि जीवन निर्वाहा गर्ने विपन्न परिवारलाई १५ दिनलाई पुग्ने गरि खाद्यान्न वितरण गरिएको हो ।मुलक पुरै लकडाउन भएको अबस्थामा विपन्न परिवारलाई खाध्यान्न सहयोग गरेको रोटरी क्लव अफ नारायणगढका अध्यक्ष सुशनलाल प्रधानले जानकारी दिए । लकडाउनका कारण मजदुरी गर्दै आएका परिवारलाई जीविकोपार्जनमा समस्या भएपछि उनीहरुलाई खाद्यान्न वितरण गरिएको उनले बताए । उनले सामाजिक दुरीको ख्याल गर्दै व्यवस्थित तरिकाले राहत बाँडिएको बताए।
त्यस्तै समाजसेवी टंकनाथ पौडेलले लकडाउनको पूरा असर गरिब, दैनिक ज्यालादारीमा काम गर्ने मजदुरहरुमाथि बढी परेकोले उनीहरुलाई खाद्यान्नको अभाव भइरहेका बेला आफूहरुले सानो सहयोग गरेको बताए ।
अभियानलाई साथ दिन शसस्त्र प्रहरी वल का प्रमुख श्री खेम थापा , ईच्छाकामना गाउँपालिकाकी अध्यक्ष गिता गुरुङ , रोटरी क्लबका उपाध्यक्ष अरुण कुमार पिया लगायतको उपस्थिति रेहेको थियो ।