“उहाँहरु घरमा आएपछि को–कोसँग सम्पर्कमा रहनुभयो भन्ने कुराको खोजी भइरहेको छ”, जिल्ला स्वास्थ्य कार्यालय बागलुङका प्रमुख सुरज गुरौले भने, “लकडाउन भएकाले धेरै बाहिर ननिस्केको भेटियो, परिवार र आफन्तको हाम्रा साथीले ट्रेसिङ थाल्नुभएको छ ।” 

प्रारम्भिक जानकारी अनुसार गत चैत ५ गते यता सङ्क्रमित महिला २१ जनासँग सम्पर्कमा आएको भेटिएको छ । उनीहरु सबैलाई उच्च सतर्कताका साथ होम क्वारेन्टाइनमा बस्न आग्रह गरिएको गुरौले बताए । “तीन जना आफन्त उहाँको घरमा आउनुभएको जानकारी छ” गुरौले भने, “बास बसेर फर्केपछि कहाँ–कहाँ, को–कोसँग पुग्नुभयो भन्ने कुराको खोजी भइरहेको छ ।”

 स्वास्थ्यकर्मीहरुले उनको सम्पर्कमा आएका केहीको स्वावको नमुना संकलन गरेका छन्। 

धवलागिरि अञ्चल अस्पतालले बागलुङ नगरपालिका–३ गौँडाकोटकी कोरोना सङ्क्रमित ६५ वर्षीया महिलाका परिवारको थ्रेट स्वाब सङ्कलन गरेको छ । शुक्रबार अस्पतालको प्राविधिक टोली घरमै पुगेर उहाँको परिवारका चार जनाको थ्रेट स्वाबको नमूना सङ्कलन गरेको हो । 

स्वाब शनिबार बिहानै प्रादेशिक जनस्वास्थ्य प्रयोगशाला पोखरा पठाइएको अस्पतालका डा प्रदीप श्रेष्ठले जानकारी दिए । एउटै घरमा बस्ने उहाँका ससुरा, बुहारी र दुई नातिको स्वाब सङ्कलन भएको छ ।