चितवन ।  चैत ८ गतेबाट देशभर एक साथ प्रदर्शनको तयारीमा रहेको चलचित्र ‘द्रौपदी’ को टिमले प्रचार प्रसारलाई तीव्रता दिएको छ । सोही क्रममा चलचित्र युनिट शनिबार चितवन आएको छ । चलचित्रको प्रचार प्रसार अन्तर्गत चितवनका पत्रकारसँग भेटघाटका लागि टोली चितवन आएको हो । नारायणगढस्थित होटल ह्याप्पी होममा आयोजित पत्रकार सम्मेलनमा चलचित्रका कथाकार, निर्माता तथा निर्देशक ॠषिराज आचार्यले ‘द्रौपदी’ ले महिला शशक्तिकरणको कथा बोकेको बताए । उनले चलचित्रमा नेपालको मौलिकता झल्किने बताए ।

उनले यसलाई चलचित्र मात्र नभई एउटा दस्तावेजको रुपमा पनि लिन सकिने बताए । चलचित्रले बोल्ने कथाले सबैको मन जित्ने उनको विश्वास थियो । निर्माता तथा कलकार प्रकाश ज्ञवालीले चलचित्रको कथाले आफूलाई आकर्षित गरेको बताए । यही कारण फरक पेशाबाट चलचित्रमा हात हालेको उनको भनाइ थियो ।

गायक तथा कलाकार रवि ओडले यस चलचित्रले ठूलो पर्दामा आफ्नो भविष्य निर्धारण गर्ने बताए । उनले आफूले पाएको भूमिकालाई न्याय दिन सक्दो मेहेनत गरेको बताए । उनले दर्शकबाट माया र साथको अपेक्षा रहेको बताए ।  अभिनेत्री आश्विनी शाहीले ‘द्रौपदी’ को वजनदार पात्रको भूमिका निभाउन पाएको भन्दै खुशी व्यक्ति गरिन् । उनले कथा र बिषय बस्तु नै चलचित्रको हिरो भएको बताईन् । चलचित्रले वास्तविक नेपाललाई चिनाउने उनको भनाइ थियो । उनले यो हेर्नै पर्ने नेपाली चलचित्र रहेको पनि बताईन् ।

अर्की अभिनेत्री सुजता तिमल्सिनाले चलचित्र राम्रो बनेको बताईन् । चलचित्रमा अधिकांश नयाँ अनुहार भए पनि दर्शकले सबैको कामलाई मन पराउने विश्वास व्यक्त गरिन् । डोल्पामा छाँयाकन गरिएको चलचित्रको ट्रेलर र गीतमा दर्शकले राम्रो प्रतिकृया दिईरहेको छन् ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै