चितवन । दिनेश कोइरालाको कथा रहेको चलचित्र ‘बिगुल’ को चितवनमा धमाधम छाँयाकन भइरहेको छ । हाल चितवनमा रहेको चलचित्र युनिटले ६० प्रतिशत छाँयाकन सकेको छ । चलचित्रको ७० प्रतिशत छाँयाकन चितवनमा हुने कथाकार कोइरालाले जानकारी दिए ।

बाँकी ३० प्रतिशत छाँयाकन भने काठमाडौं उपत्यकामा हुने उनले बताए । चितवनमा अब १० प्रतिशत मात्रै छाँयाकन बाँकी रहेको छ । केही दिन भित्रै चितवनको छाँयाकन सकेर निर्माण युनिट काठमाडौं जानेछ । कल्पना पौडेल प्रस्तुतकर्ता रहेको चलचित्रमा सामाजिक तथा राजनीतिक बिषय बस्तु उठान गरिएको छ । चलचित्रमा सामाजिक तथा राजनीतिक रुपमा देशमा देखिएको घटना परिघटनालाई सुक्ष्म तरिकाले केलाउन खोजिएको कोइरालाले बताए । सबै क्षेत्रमा नेतृत्व तहले गरेको कामको प्रभाव र असरलाई चलचित्रमा देखाउन खोजिएको छ । देशमा विद्यमान विकृतिलाई चलचित्रको माध्यमबाट देखाउन खोजिएको छ ।

समस्या देखाउन मात्र नभई समाधानको उपाय पनि देखाईएको कथाकार कोइरालाको भनाइ छ । रमेश कोइराला निर्देशित चलचित्रमा बेनिशा हमाल, नरेन खड्का, सरोज खनाल, रमेश बुढाथोकी, निर शाह, बिनोद न्यौपाने, गीता अधिकारी, हेमन्त बुढाथोकी, निरा पण्डित, जेएन घिमिरे, दीपक अधिकारीलगायतको अभिनय छ । चलचित्रमा मौनता श्रेष्ठको पटकथा तथा शिव ढकालको सिनेमाटोग्राफी छ । म्याग्नोलिया ग्रुपको ब्यनारमा चलचित्रलाई यसै वर्षको दसैं अघि रिलिज गर्ने तयारी छ ।

चलचित्रमा नेपाली काँग्रेसका महामन्त्री विश्वप्रकाश शर्मा, अर्जुन पोखरेल र मनोज चौलागाईको संगीत तथा कविराज गहतराजले कोरियोग्राफी रहनेछ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै