चितवन  । खैरहनी नगरपालिकाले चालू आर्थिक वर्षको कार्यक्रमअन्तर्गत चारवटा कृषि सहकारी संस्थालाई अनुदानमा ट्र्याक्टर वितरण गरेको छ। ‘एक वडा, एक कृषि सहकारी’ नीतिअनुसार सञ्चालन गरिएको कृषि यान्त्रीकरण कार्यक्रम अन्तर्गत सहकारीहरुलाई ५० प्रतिशत अनुदानमा ट्र्याक्टर, रोटाभेटर र कल्टिभेटर वितरण गरिएको हो।

नगरपालिकाका प्रमुख शशीकुमार खनियाँ, उपप्रमुख कविता उप्रेती, प्रमुख प्रशासकीय अधिकृत विष्णुप्रसाद सापकोटा, आर्थिक समितिका संयोजक छत्रनाथ सुवेदी र सुशासन समितिका संयोजक कुलप्रसाद भुषालले सहकारी प्रतिनिधिहरुलाई ट्र्याक्टर हस्तान्तरण गरेका हुन्।

नगरपालिकाको कृषि शाखा प्रमुख सिर्जना श्रेष्ठका अनुसार ट्र्याक्टर वितरणका लागि खुलाइएको सूचनामा छ वटा सहकारी संस्थाले निवेदन दिएका थिए। तीमध्ये चार सहकारी छनोट गरी ट्र्याक्टरसहितका उपकरण वितरण गरिएको हो। नगरपालिकाले कृषिमा आधुनिकता ल्याउने उद्देश्यले हरेक वडामा कृषि सहकारी सुदृढ गर्न उपकरण अनुदान कार्यक्रम अघि सारेको जनाएको छ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै