काठमाडौं । सरकारले मंसिर १५ गते देशका ग्रामीण क्षेत्रमा एकैसाथ ३ सय ९६ वटा आधारभूत अस्पताल निर्माण शुरु गर्ने भएको छ । अर्थ मन्त्रालयमा विष्णु पौडेल अर्थमन्त्री बनेर आए लगत्तै उनले स्वास्थ्य मन्त्रालयकासमेत उच्च अधिकारीहरुलाई राखेर त्यसको तयारी गर्न निर्देशन दिएका थिए । त्यही अनुसार मंसिर १५ प्रधानमन्त्री केपी शर्मा ओलीले ती अस्पतालहरुको ‘भर्चुअल’ शिलन्यास गर्ने गरि तयारी भैरहेको अर्थमन्त्रालयका अधिकारीहरुले जानकारी दिएका छन् । अर्थमन्त्रालयका अनुसार स्वास्थ्य संस्थाको सहज पहुंच नभएका स्थानीय तहमा दुई वर्षभित्र ५, १० र १५ शैय्याका आधारभूत अस्पताल निर्माण सम्पन्न गरिनेछ । त्यसको लागि ५७ अर्ब ९७ करोड ११ लाख ९० हजार रुपैयाँ खर्च हुने प्रारम्भिक अनुमान गरिएको मन्त्रालयका अधिकारीहरुले जानकारी दिएका छन् । अर्थ मन्त्रालयका प्रवक्ता रामेश्वर दंगालका अनुसार स्वास्थ्य मन्त्रालयको वार्षिक बजेटमा समावेश गरी स्थानीय तहमा सशर्त अनुदानको रुपमा उपलब्ध गराइनेछ । अर्थ मन्त्रालयले आधारभूत अस्पताल निर्माणका लागि यसअघि ६ अर्ब १२ करोड २६ लाख रुपैयाँ स्थानीय तहमा पठाइसकेको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.