– व्यवसायीहरु यसैपनि धरापमा भएको अवस्थामा सरकारले कस्तो खालको कार्य योजना ल्यायो भने व्यवसायीहरुलाई राहात मिल्छ ?

– व्यवसायीहरुको सबैभन्दा ठूलो समस्या भनेको बैंक तथा बित्तियको कारोवार हो । त्यसकारण यो कारोबार कम्तीमा पनि ६ महिना वा एक वर्षको लागि पुन: तालिका सरकारले गर्नैपर्छ अहिलेको अवस्था हेर्ने हो भने यो जुनसुकै हालतमा गर्नु पर्छ अहिले व्यवसायीहरु ऋणको व्याज र सावाँ तिर्न सक्ने हालतमा छैनन् त्यसकारण उद्योग वाणिज्य संघले उद्योग वाणिज्य महासंघ र नेपाल सरकारलाई अनुरोध पनि गरिसकेको छ ।

अहिले ७७ जिल्लाका उद्योग वाणिज्य संघबाट एउटै आवाज निकालेर हामीले ७७ जिल्लाको उद्योग वाणिज्य संघको ११० वटा नगर उद्योग वाणिज्य संघ सबै मिलेर पत्रचार गरिसकेको अबस्था छ । मलाई लाग्छ नेपाल सरकारले यसलाई सपोट गर्छ साथै यो व्यवसायीहरुको हकहितको लागि भएकाले नेपाल सरकारले यसलाई सम्बोधन गर्ने क्रममा हुनुहुन्छ होला , साथै गर्नुहुन्छ भने आसामा पनि रहेको छु ।

– अन्तयमा हामीले सोध्न छुटाएको र तपाईंले भन्न चाहेको केही कुरा छ भने ?

– विशेष गरेर हामी सबै नागरिक कोरोना रोकथामको लागिरहेका छौ । अहिले विश्व अर्थतन्त्र नै डामाडोल भएको छ । त्यसको प्रभाब नेपालमा पनि परेको छ । त्यसको प्रभाबले उद्योग व्यवसायीहरु पनि धरासाहिमा छन् । त्यस्तो हुँदाहुँदै पनि अहिलेको चुनौती भनेको कोरोनासँग कसरी लड्ने भन्ने हो त्यसैले म सबैलाई के अनुरोध गर्न चाहान्छु भने यसको औषधी उपचार शक्तिशाली राष्ट्रले त प्राप्त गर्न सकेको छैन् । यसको औषधी भनेको सबैजना अनुसाशीत भएर सुरक्षित रुपमा घर भित्र बस्नु हो त्यसकारण म आम व्यवसायी साथिहरुलाई घरभित्रै बस्न आग्रह र अनुरोध गर्दछु । हिड डुल धेरै नगर्नु होला, दैनिक उपभोग्य सामान खरिद गर्नु परेमा लामो समय हिडडुल नगरी चाहिएको सामान खरिद गरेर घर फर्कि हाल्नु होला ।