“नेपालमा मानसिक स्वास्थ्यलाई त्यति प्राथमिकतामा नदेखिएको अवस्थामा हामीले यो काम अगाडि वढायौ“ , उहाँले भन्नुभयो, “नेपालमा मानसिक स्वास्थ्यको समस्या जटिल छ । यसलाई केन्द्रमा राखेर उपचार गर्ने देखि पूर्नस्थापना गर्ने सम्मको काम हामी गर्ने छौँ ।”

केन्द्रले समुदायमा जनचेतना जगाउने पनि बताउनुभयो ।

मेडिकल सिटीका रुपमा विकास हुँदै गएको चितवनमा मानसिक रोगको उपचारमा केन्द्र स्थापना गर्नु आफैमा उपलब्धि हुने पनि उहाँले जनाउनुभयो ।

अस्पतालका मेडिकल सुपरिटेण्डेन्ट प्राडा कृष्णप्रसाद पौडेलले मध्य नेपालमै सवै भन्दा बढी विरामीले उपचार गराई रहेका भरतपुर अस्पतालमा छुट्टै मानसिक स्वास्थ्य उपचार केन्द्र आवश्यक रहेको बताउनुभयो ।

“मानसिक स्वास्थ्य समस्यामा परेका विरामीलाई अहिले सम्म विभागवाट सञ्चालन गरिएको थियो अब केन्द्र मार्फत सञ्चालन गरिने छ“ , उहाँले भन्नुभयो ।

भरतपुर अस्पतालमा अहिले ट्रमा सेन्टर र स्पाईनल सेन्टर पनि छुट्टै केन्द्रका रुपमा विकास हुँदै छन् । मानसिक स्वास्थ्य उपचार केन्द्रको भवन निर्मनणकालागि करिव डेड देखि दुई वर्ष लाग्ने बताईएको छ ।