काठमाडौँ । बैतडीमा जीप दुर्घटना हुँदा ५ जनाको मृत्यु भएको छ । दुर्घटनामा परेर ४ जना घाइते भएका छन् । मंगलबार दिउँसो बैतडीको झुलाघाटबाट गोठलापानी आउँदै गरेको ना १ ज २१९६ नम्बरको जीप दशरथचन्द नगरपालिका-१० बुड्डा भन्ने स्थानमा दुर्घटनामा परेको हो । जीप सडकबाट करीब एक सय मिटर तल खसेको छ । जिल्ला प्रहरी कार्यालय बैतडीका अनुसार दुर्घटनामा परेर मृत्यु हुनेमा सुर्नया गाउँपालिकाका ७५ वर्षीया कलावती चन्द, दशरथचन्द नगरपालिकाका ७५ वर्षीय भगीरथ पाण्डेय, सोही नगरपालिकाका ७० वर्षीया पार्वतीदेवी चन्द, ७२ वर्षीया अर्की पार्वतीदेवी चन्द, र ५८ वर्षीय कृष्णलाल लावड रहेका छन् । घाइतेहरुलाई उपचारका लागि जिल्ला अस्पताल लगिएको छ । तीव्र गतिमा रहेको जीप अनियन्त्रित भएर दुर्घटनामा परेको हुनसक्ने प्रहरीको प्रारम्भिक अनुमान छ । फरार चालकको खोजी भइरहेको र घटनाबारे विस्तृत विवरण आउन बाँकी रहेको प्रहरीले जनाएको छ ।

विभेदमुक्त समाज बनाउन सबै जिम्मेवार बनौँः प्रदेश प्रमुख मियाँ

तरकारीखेतीमै भविष्यका सपना देख्दै महादेव

सयपत्री फूलको प्रयोग बढ्दा कृतिम फूलको आयात घट्यो