हेटौंडा । हेटौंडा -४ स्कुलरोडमा रहेको रियल युनिक कम्प्युटर इन्ष्टिच्यूटले मकवानपुरमा पहिलो पटक “माइक्रोसफ्ट अफिस स्पेसलिस्ट वल्ड च्याम्पियनसीप-२०२१”  गराउने भएको छ।सोमबार न्युज क्लब नेपाल हेटौंडा सोमबार  भएको पत्रकार सम्मेलनमा  इन्ष्टिच्यूटले पहिलो पटक जिल्लाका विद्यार्थीहरुलाई लक्षित गरेर माइक्रोसफ्ट अफिस स्पेसलिस्ट वल्ड च्याम्पियनसीपको आयोजना गरिएको जनाइएको हो।  पत्रकार सम्मेलनमा बोल्दै इन्ष्टिच्यूटका संचालक श्रमण कुमार श्रेष्ठले मकवानपुरका विद्यार्थीहरुलाई सहभागी गराउने उदेश्यले आउँदै गरेको  सन् २०२१ मा कार्यक्रमको आयोजनाको तयारी भइरहेको बताए। प्रतियोगितामा १३ वर्ष देखि २२ वर्ष सम्मका विद्यार्थीहरु सहभागिता हुन सक्ने उनले बताए । सहभागी हुने प्रति विद्यार्थी २ हजार १ सय ७० रुपैया शुल्क लाग्ने आयोजकले जनाएको छ। प्रतियोगितामा  सहभागिता जनाउन चाहनेहरुको लागि आउँदो पुष १ गतेबाट रजिष्ट्रशन गर्न सक्ने र  प्रत्येक विद्यार्थीले एक लाख ५० हजार बराबरको फाईदा लिन सक्ने बताएका छन्। पत्रकार सम्मेलनमा बोल्दै दीप आईटी एण्ड एजुकेसनल कन्सल्टेन्सी तथा दीप कम्प्युटर इन्ष्ट्रिच्युटका संचालक दीपेन्द्र लामिछानेले कन्सल्टेन्सीले नेपालको ७७ वटै जिल्लाका विद्यार्थीहरु बिच प्रतिस्पर्धा गराउने बताए । उनले यस प्रतिस्पर्दाले विद्यार्थीको माइक्रोसफ्ट अफिस वर्ड, एक्सल र पावरपोइन्टमा सीप परीक्षण गर्ने र माईक्रोसफ्ट सर्टिफिकेशन उपलब्ध गराउने बताए । जिल्ला स्तरीय विजेताहरुलाई नेशनल च्याम्पियनसीपका लागि पोखरा लैजाने र  पोखरामा ७७ जिल्लाबाट छानिएका ४ सय ६२ जना विजेताहरु बीच प्रतिस्पर्धा गराइने पत्रकार सम्मेलनमा जनाइएको छ ।पोखराबाट प्रत्येक विधाका २ जना गरी शीर्ष ६ जना विद्यार्थी वल्ड च्याम्पियनसीपमा नेपालको प्रतिनिधित्व गर्दै अमेरीकाको ओर्लान्डो, फ्लोरिडा जाने छन् । विगत १८ वर्ष देखी यस च्याम्पियनसीप भैरहेको र सन् २०२० मा १३५ देशका १० लाख भन्दा बढी विद्यार्थीले सहभागिता जनाएका थिए ।

चितवन जिमका सुर्जेले जिते दोस्रो मिस्टर चितवनको उपाधि

बागमती प्रदेशले संघिय सरकारसँग पुनर्निर्माणका लागि एक अर्ब अनुदान माग्ने

बिसिए प्राइड लिग क्रिकेट असोज १८ देखि, खेल तालिका पनि सार्वजनिक