भरतपुर । भरतपुरको कल्याणपुरस्थित स्मल हेभन स्कुलमा दशौं अन्तर विद्यालय एथ्लेटिक्स मिट सुरु भएको छ । ‘स्पोर्टिङ बडी, स्पोर्टिङ माइन्ड’ भन्ने नाराका साथ बुधबार बाट सुरु भएको एथ्लेटिक्स मिटको पूर्व धावक ओलम्पियन बैकुण्ठ मानन्धरले उद्घाटन गरे ।

सो क्रममा मानन्धरले खेलकुद प्रति स्कुलले खेल्दै आएको भूमिकाको प्रसंशा गरे । उनले राज्य र खेलकुदका संघ संस्थाले आयोजना गर्ने भन्दा पनि व्यवस्थित खेलकुद प्रतियोगिता एउटा स्कुल गरेको भन्दै खुशी व्यक्त गरे । यस्तै खेलकुदमा उज्जवल भबिष्य रहेको भन्दै यसरी नै लगानी आववश्यक रहेको उनको भनाइ थियो ।

भरतपुर ५ का वडाध्यक्ष युद्ध श्रेष्ठले खेलकुद क्षेत्रको बिकासमा स्कुलको यस किसिमको महत्वपूर्ण भूमिका खेल्ने बताए । चितवन जिल्ला खेलकुद बिकास समितिका अध्यक्ष राजन कार्कीले स्कुलले शैक्षिक कृयाकलापसहित खेलकुदलाई पनि महत्त्व दिएको भन्दै खुशी व्यक्त गरे । स्कुलदेखि नै खेलकुदको ग्रास रुट सुरु उनको भनाइ थियो । सबै स्कुलले यसरी नै खेलकुदलाई प्राथमिकता दिन सके प्रतिभावना खेलाडी उत्पादनमा कोशेढुङ्गा साबित हुने उनको भनाइ थियो ।

विद्यालयका प्राचार्य रामचन्द्र न्यौपानेले एथ्लेटिक्स मिट चितवनमा विद्यलाय स्तरमा हुने खेलकुद प्रतियोगिताकै नमूना भएको समेत दाबी गरे । न्यौपानेले विद्यालयले स्थापनाकालदेखि नै गुणस्तरीय शिक्षासँगै खेलकुदमा जोड दिँदै आएको बताए । मंसिर १९ गते शुक्रबारसम्म हुने एथ्लेटिक्स मिटमा जिल्लाभरका ३६ संस्थागत विद्यालय सहभागी छन् । सहभागी खेलाडीहरुले बिभिन्न विधामा प्रतिस्पर्धा गर्नेछन् ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै