काठमाडौँ । नेपाली काँग्रेसको संस्थापन पक्षसँग विशेष महाधिवेशन पक्षधरक तर्फबाट वार्तामा सहभागी नेता प्रदिप पौडेलले आफुहरु एकताबद्ध, परिवर्तित र सबल नेपाली काँग्रेसको पक्षमा रहेको बताएका छन् ।

वार्तास्थलबाटै सामाजिक सञ्जालमा लेख्दै नेता पौडेलले विशेष महाधिवेशनले स्पष्ट परिवर्तनकारी नीति र नेतृत्वसहित नेपाली काँग्रेसलाई अझ एकताबद्ध बनाउने बताउदै आफुहरु एकताबद्ध, परिवर्तित र सबल नेपाली काँग्रेसको पक्षमा रहेको बताएका हुन् ।

उनले भनेका छन्- ‘बाध्यात्मक परिस्थितिले सृजना गरेको विशेष महाधिवेशनले स्पष्ट परिवर्तनकारी नीति र नेतृत्व सहित नेपाली काङ्ग्रेसलाई अझ एकताबद्ध बनाउनेछ । हामी एकताबद्ध, परिवर्तित र सबल नेपाली काङ्ग्रेसको पक्षमा छौं ।’

सभापति शेरबहादुर देउवाले औपचारिक रुपमा विशेष महाधिवेशन पक्षधरलाई छलफलका लागि बोलाएपछि समिति नै बनाएर अहिले वार्ता भइरहेको छ ।

विशेष महाधिवेशन पक्षबाट गुरु घिमिरे, देवराज चालिसे, मधु आचार्य र प्रदीप पौडेल वार्तामा सहभागी हुने बताइएको छ भने संस्थापन पक्षबाट कार्यवाहक सभापति पूर्णबहादुर खड्का, रमेश लेखक र बालकृष्ण खाँण सहभागी रहेका छन् । त्यस्तै नेता शेखर कोइरल पक्षबाट मिनेन्द्र रिजाल र जीवन परियार रहेको बताइएको छ ।

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै

उत्कृष्ट नतिजा दिलाउने अङ्कुरम् एकेडेमीका विषयगत शिक्षक सम्मानित