काठमाडौँ । सन् २०२६ को टी-२० विश्वकप क्रिकेट अन्तर्गत पहिलो सेमिफाइनल खेल आज कोलकातामा न्युजील्यान्ड र दक्षिण अफ्रिकाबीच हुँदैछ । कोलकोताको इडेन गार्डेनमा यो खेल नेपाली समय अनुसार साँझ ७: १५ बजेदेखि शुरु हुदैछ ।

दुवै टोलीबीचको यो प्रतिस्पर्धालाई निकै महत्वपूर्ण मानिएको छ, जहाँ दक्षिण अफ्रिकाको ब्याटिङ पक्ष बलियो देखिएको छ भने न्युजील्यान्डले रणनीतिमा विशेष ध्यान दिनुपर्ने अवस्था रहेको विश्लेषण गरिएको छ । यसअघि समूह चरणमा भएको भेटमा दक्षिण अफ्रिकाले न्युजील्यान्डलाई सीमित योगफलमा रोक्दै लक्ष्य सहज रूपमा पछ्याएको थियो । त्यस खेलमा दक्षिण अफ्रिकाले १७६ रनको लक्ष्य सजिलै पूरा गरेको थियो ।

दक्षिण अफ्रिकाका कप्तान एडेन मार्कराम उत्कृष्ट लयमा रहेका छन् । उनलाई रोक्न न्युजील्यान्डका बलरलाई चुनौतीपूर्ण हुने देखिएको छ । क्विन्टन डी कक, रायन रिकेल्टन र डेविड मिलर जस्ता ब्याटरहरूले पनि टोलीको ब्याटिङलाई मजबुत बनाएका छन् ।

न्युजील्यान्डका तीव्र गतिका बलर लोकी फर्गुसनले भने डी ककविरुद्ध अघिल्ला खेलहरूमा केही सफलता पाएका छन् । त्यसैले उनलाई सुरुआती ओभरमा प्रयोग गर्ने सम्भावना रहेको छ । साथै, टोलीले बलिङ संयोजनमा परिवर्तन गर्दै नयाँ विकल्प प्रयोग गर्न सक्ने संकेत पनि देखिएको छ ।

कोलकाताको मैदान लक्ष्य पछ्याउने टोलीका लागि अनुकूल मानिन्छ । त्यसैले टस जित्ने टोलीले पहिले फिल्डिङ रोज्ने सम्भावना बढी छ । न्युजील्यान्डका लागि टस जित्नु खेलको परिणाममा महत्वपूर्ण बन्न सक्ने अनुमान गरिएको छ । यता दक्षिण अफ्रिकाले भने अघिल्लो खेलमा अपनाएको रणनीति नै दोहोर्याउने तयारी गरेको छ । सुरुआती ओभरमा तीव्र बलिङ, मध्य ओभरमा नियन्त्रण र अन्तिम ओभरमा कडा बलिङ गर्दै खेल आफ्नो पक्षमा पार्ने लक्ष्य टोलीको रहेको छ ।

दुवै टोलीका लागि सम्भावित प्लेइङ ११

दक्षिण अफ्रिका: एडेन मार्कराम (कप्तान), क्विन्टन डे कक (विकेटकिपर), रायन रिकेलटन, डेवाल्ड ब्रुइस, डेभिड मिलर, ट्रिस्टन स्टब्स, मार्को जानसेन, कोर्बिन बोश, केशव महाराज, कागिसो रबाडा र लुंगी एनगिडी ।

न्यूजील्याण्ड: टिम सेफर्ट (विकेटकिपर), फिन एलेन, रचिन रविन्द्र, ग्लेन फिलिप्स, मार्क च्यापम्यान, डेरिल मिचेल, मिचेल स्यान्टनर (कप्तान), कोल म्याककोन्ची, म्याट हेनरी, इश सोधी र लकी फर्गुसन।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र