चितवन । भरतपुर–२, क्षेत्रपुरमा रहेको महानगर फलफूल तथा तरकारी बजारको प्राङ्गणमा सोमबार ११० जनाले स्वास्थ्यलाभ तथा ४४ जनाले रक्तदान गरेका छन् ।

सिद्धि विनायक बचत तथा ऋण सहकारी संस्था लि. (साकोस), कृषि प्रबर्धन बजार विकास प्रा.लि. र फलफूल तथा तरकारी थोक व्यवसायी संघको संयुक्त रुपमा आयोजित ‘निःशुल्क स्वास्थ्य शिविर तथा खुल्ला रक्तदान’मा उनीहरुले स्वास्थ्य लाभ तथा ४४ जनाले रक्तदान गरेका हुन् ।

चितवन जिल्लामा दिनानुदिन बढ्दो रगतको मागलाई थोरै भए पनि कम गर्ने उद्देश्य अनुसार उक्त कार्यक्रम गरिएको सिद्धि विनायक साकोस र कृषि प्रबर्धन बजार विकास प्रालिद्वय संस्थाका अध्यक्ष तथा कार्यक्रमका सभापति थिरप्रसाद धितालले जानकारी दिए ।

धितालका अनुसार शेयर सदस्यहरुको स्वास्थ्य, मानविय सेवाभाव तथा सामाजिक उत्तरदायित्व वहन गर्दै तीन वटा संस्थाले कलेज अफ मेडिकल साइसेन्सको सहजीकरणमा उक्त कार्यक्रम गरिएको हो ।

सो अवसरमा उनीहरुको उच्च रक्तचाप, मधुमेह तथा मुटुको इसिजी परीक्षण समेत गरिएको थियो ।

कार्यक्रममा चितवन जिल्ला बचत तथा ऋण सहकारी संघ लि.का अध्यक्ष विद्या कोइराला प्रमुख अतिथि तथा विशिष्ट अतिथि उद्योग वाणिज्य संघ चितवनका वरिष्ठ उपाध्यक्ष राजेन्द्र ओली लगायतले शुभकामना मन्तव्य दिए ।

सिद्धि विनायक साकोसका कोषाध्यक्ष रामप्रसाद घिमिरेको संयोजकत्व रहेको कार्यक्रममा व्यवस्थापक विकास पौडेलले संचालन गरेका हुन् । कार्यक्रमको समापन फलफूल तथा तरकारी थोक व्यवसायी संघका अध्यक्ष जयराम पाण्डेले गरे ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै