काठमाडौँ । अमेरिकाका राष्ट्रपति डोनाल्ड ट्रम्पको लोकप्रियता लगातार घट्दै गएको देखिएको छ । पछिल्लो तथ्यांक अनुसार उनक एप्रुभल रेटिंग दर घटेर ‘माइनस १७’ मा पुगेको छ, जुन उनको दोस्रो कार्यकालकै सबैभन्दा न्यून स्तर मानिएको छ । सार्वजनिक गरिएको विभिन्न सर्वेक्षण अनुसार कार्यकालको सुरुवातमा ट्रम्पले सकारात्मक समर्थन पाएका थिए । तर समयसँगै उनको समर्थन दर तीव्र रूपमा घट्दै गएको देखिएको छ । इतिहाससँग तुलना गर्दा हालसम्म कुनै पनि अमेरिकी राष्ट्रपतिको समर्थन दर यति तल झरेको देखिएको छैन ।
ट्रम्पको लोकप्रियता जो बाइडेन, जिमी कार्टर र रोनाल्ड रीगनजस्ता पूर्व राष्ट्रपतिभन्दा पनि कम रहेको जनाइएको छ । मार्च २६ मा सार्वजनिक एक सर्वेक्षण अनुसार केवल ४१ प्रतिशत अमेरिकी नागरिक ट्रम्पको कामबाट सन्तुष्ट देखिएका छन् भने ५९ प्रतिशतले असन्तुष्टि जनाएका छन् । यो उनको दुवै कार्यकालमध्ये सबैभन्दा बढी अस्वीकृति दर हो । दलगत रूपमा पनि उनको समर्थन घटेको छ। रिपब्लिकन समर्थकमध्ये उनको समर्थन ८४ प्रतिशतमा झरेको छ, जुन गत वर्षको मार्चमा ९२ प्रतिशत थियो ।
डेमोक्रेटिक समर्थकमध्ये ९५ प्रतिशतले असन्तुष्टि जनाएका छन्। स्वतन्त्र मतदातामाझ पनि उनको अवस्था कमजोर देखिएको छ । केवल २५ प्रतिशतले समर्थन जनाउँदा ७५ प्रतिशतले विरोध गरेका छन् । अर्को एक सर्वेक्षणमा ट्रम्पको समर्थन दर ३३ प्रतिशत र अस्वीकृति ६२ प्रतिशत रहेको देखाइएको छ, जसमा ५३ प्रतिशतले कडा असन्तुष्टि व्यक्त गरेका छन् । विशेषगरी इरानसम्बन्धी नीतिमा पनि उनलाई कम समर्थन प्राप्त भएको छ। सो विषयमा मात्र २९ प्रतिशतले समर्थन जनाउँदा ६३ प्रतिशतले असहमति जनाएका छन् ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.