एजेन्सी । जातिय विभेद भएको भन्दै च्याम्पियन्स लिग अन्तर्गत पेरिस सेन्ट जर्मेन (पीएसजी) र इस्तानबुल बेसाकसेहिरबीचको खेल स्थगित गरिएको छ । खेल सुरु भएको १५ मिनेटमै खेल स्थगित भएको हो । फोर्थ अफिसियल सेबास्टियन कोल्टेस्कुले इस्तानबुलका सहायक प्रशिक्षक पिएरे वेबोमाथि रंगभेद झल्कने गरी बेन्चतर्फ इंगित गर्दै मुख्य रेफ्रीलाई कार्ड दिन बताएका थिए । उनले बेन्चतर्फ इंगित गर्दा रंगभेदी व्यवहार गरेको आरोप इस्तानबुलका खेलाडीहरुले लगाए । पहिलो हाफको १५ मिनेट सकिँदा दुबै टोली गोलरहित बारबरीमा रोकिएका थिए । सोही क्रममा दुबै टोलीका खेलाडी मैदानमा विरोध गर्दै बाहिरिएका थिए ।लामो समय छलफल गर्दा पनि रेफ्री र दुई टोलीबीचका खेलाडीहरुको सहमति नहुँदा खेल रोकिएको थियो । दुबै टोलीले उक्त रेफ्रीलाई हटाएपछि मात्र मैदान फर्कने बताएका थिए । यसैबिच युइएफएले घटनाको निश्पक्ष छानविन गर्ने आश्वासन दिएको छ।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र