चितवन । सत्तारुढ राष्ट्रिय स्वतन्त्र पार्टी (रास्वपा) गण्डकी प्रदेश समितिको सभापतिमा कास्कीका नवीन त्रिपाठी निर्वाचित भएका छन्। पोखरामा आयोजित प्रथम प्रदेश अधिवेशनअन्तर्गत शुक्रबार राति भएको मतदानको शनिबार बिहान सम्पन्न मतगणनामा त्रिपाठीले २३४ मत प्राप्त गर्दै पहिलो चरणमै विजय हासिल गरेका हुन्।
निर्वाचन समितिका संयोजक डा. राम गुरुङका अनुसार रास्वपाको विधानअनुसार सभापति निर्वाचित हुन कुल खसेको मतको ५१ प्रतिशत मत आवश्यक पर्ने व्यवस्था छ, जुन त्रिपाठीले पहिलो चरणमै प्राप्त गरेका हुन्। सभापतिका अन्य उम्मेदवारमध्ये निवर्तमान सभापति तथा प्रतिनिधिसभा सदस्य राजन गौतमले १८२ मत, माधव कँडेलले ११ मत र डा. हरि कार्कीले २ मत प्राप्त गरेका छन्। अधिवेशनमा ७८० प्रतिनिधि रहे पनि ४३७ जनाले मात्र मतदानमा सहभागिता जनाएका थिए।
त्रिपाठी यसअघि रास्वपा गण्डकी प्रदेश समितिका महामन्त्री थिए। यस्तै, प्रदेश सदस्यका लागि ५१ जनाले उम्मेदवारी दिएका थिए, जसमध्ये विभिन्न क्लस्टरसहित ३३ जना निर्वाचित हुनेछन्। प्रदेश सदस्यतर्फ १२ जना उम्मेदवार भने निर्विरोध निर्वाचित भइसकेका छन्।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.