चितवन । हालको विपद्जन्य तथा मानवीय परिस्थितिका कारण रगतको आवश्यकता बढ्दै गएको अवस्थालाई मध्यनजर गर्दै United Tech Club र United Technical College, Chitwan को संयुक्त आयोजनामा रक्तदान कार्यक्रम सञ्चालन हुने भएको छ।
क्लबका अनुसार आगामी भदौ १७ गते आयोजना हुने रक्तदान कार्यक्रममा विद्यार्थी, युवा, स्थानीयवासी तथा रक्तदान गर्न इच्छुक र योग्य सम्पूर्ण व्यक्तिलाई सहभागी गराउने लक्ष्य राखिएको छ। विपद्को समयमा हुन सक्ने रगतको अभावलाई न्यूनीकरण गर्दै आवश्यक परेका बिरामीलाई समयमै रगत उपलब्ध गराउन सहयोग पुर्याउने उद्देश्यले कार्यक्रम आयोजना गर्न लागिएको हो।
United Tech Club का अध्यक्ष सागर ढकालले मानवीय सेवाको भावनालाई केन्द्रमा राखेर रक्तदान कार्यक्रम आयोजना गर्न लागिएको जानकारी दिए। उनका अनुसार पछिल्लो समय विपद्जन्य परिस्थितिका कारण रगतको माग बढ्न सक्ने भएकाले सम्भावित अभावलाई ध्यानमा राख्दै रक्तदान अभियान सञ्चालन गर्न लागिएको हो।
अध्यक्ष ढकालले भने, “हालको विपद्जन्य परिस्थितिमा रगतको आवश्यकता बढ्दै गएको अवस्थालाई मध्यनजर गर्दै क्लबले रक्तदान कार्यक्रम आयोजना गर्न लागेको हो। रक्तदान गर्न इच्छुक तथा योग्य विद्यार्थी, युवा, स्थानीयवासी लगायत सम्पूर्ण महानुभावहरूलाई कार्यक्रममा सहभागी भई मानवीय सेवामा योगदान गर्न आग्रह गर्दछौँ।”
उनले रक्तदान सामाजिक उत्तरदायित्व निर्वाह गर्ने माध्यम मात्र नभई संकटको समयमा कसैको जीवन बचाउन सक्ने महत्वपूर्ण मानवीय सेवा भएको बताए। कार्यक्रममा संकलन हुने रगत आवश्यक परेका बिरामीसम्म पुर्याउन सहयोग पुग्ने विश्वास क्लबले लिएको छ।
कार्यक्रममा विभिन्न क्षेत्र तथा समुदायबाट रक्तदाताहरूको उल्लेख्य सहभागिता रहने अपेक्षा गरिएको छ। साथै, स्थानीय टोल विकास संस्था, सामाजिक संघ–संस्था, युवा समूह तथा सम्पूर्ण समुदायलाई अभियानमा सहकार्य र सहभागिताका लागि क्लबले आग्रह गरेको छ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.