चितवन । बाढीमा परी बेपत्ता भएका व्यक्तिहरूको पहिचान गर्न चितवनमा परिवारका सदस्यहरूको डीएनए नमुना संकलन सुरु गरिएको छ। जिल्ला प्रहरी कार्यालय चितवनले बागमती प्रदेश जनस्वास्थ्य प्रयोगशाला इकाइ चितवन र जनस्वास्थ्य कार्यालय, भरतपुरको सहकार्यमा डीएनए नमुना संकलन थालेको हो। भरतपुर महानगरपालिका–१० स्थित चितवन उद्योग संघको परिसरमा मंगलबारदेखि नमुना संकलन सुरु गरिएको हो। जिल्ला प्रहरी कार्यालय चितवनका प्रमुख रामेश्वर पौडेलका अनुसार नमुना संकलन कार्य दैनिक बिहान ९ बजेदेखि अपराह्न ५ बजेसम्म सञ्चालन हुनेछ।

भोटेकोशी नदीमा आएको बाढीपछि फेला परेका शवहरूको पहिचानका लागि बेपत्ता व्यक्तिका नजिकका परिवार सदस्यबाट डीएनए नमुना संकलन भइरहेको प्रहरीले जनाएको छ। बुबा, आमा, छोरा वा छोरीमध्ये उपलब्ध कुनै एक जना परिवार सदस्यले नमुना दिन सक्नेछन्।

डीएनए नमुना दिन जाने व्यक्तिहरूले आफ्नो पहिचान खुल्ने आधिकारिक कागजात तथा दुई प्रति पासपोर्ट साइजको फोटो अनिवार्य रूपमा साथमा लैजान प्रहरीले अनुरोध गरेको छ।

प्रहरीका अनुसार संकलित डीएनए नमुनाको परीक्षणपछि रिपोर्ट आउन कम्तीमा १२ साता लाग्नेछ। चितवनमा हालसम्म ३२१ वटा शव फेला परिसकेको छ। तीमध्ये १२ जनाको मात्र सनाखत भएको प्रहरीले जनाएको छ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै