चितवन । चितवन मेडिकल कलेज (सिएमसी) शिक्षण अस्पतालको चिकित्सक टोली बाढी प्रभावित नुवाकोट र रसुवामा सेवा दिन गएको छ । चिकित्सक र स्वास्थ्यकर्मीको टोली आज त्यसतर्फ गएको हो । टोलीले असोज ५ गतेसम्म बाढी प्रभावित क्षेत्रका विभिन्न ठाउँमा पुगेर स्वास्थ्य उपचार सेवा दिने छ । टोलीको नेतृत्व गर्नुभएका सर्जन डा. वीरेन्द्र राउतका अनुसार टोलीमा मुटुरोग, जनलर मेडिसिन, हाडजोर्नी, मनोरोग, आँखा रोग लगायत विशेषज्ञ रहनु भएको छ ।

टोलीमा डा. वीरेन्द्र राउत, दीपक बम, डा. दीपेश कोइराला, अशोक आचार्य, डा. चन्दन जैसवाल, महेश कुमार शाही, विकास पटेल, रोशन चौधरी, निश्चल काफ्ले, बिजय ढुंगेल, बिक्रम साह, दिलिप दिवाकर, रवि शंकर यादव, रुपेश के. यादव, कृष्ण खड्का, इमरान खान, सुशिल देवकोटा, बिनोद खरेल, सोम रेग्मी, प्रबिन भट्टराई रहनु भएको छ । टोलीले भिडियो एक्सरे, युरिनरी आर/ई, पिएफटी लगायत परीक्षण समेत गर्ने छ । २१ जना चिकित्सक, नर्सको टोली बाढी प्रभावित क्षेत्रमा पठाईएको चितवन मेडिकल कलेजका प्रमुख प्रशासकीय अधिकृत (सिईओ) प्रताप देवकोटाले जानकारी दिनुभयो ।

परीक्षणका क्रममा आवश्यक पर्ने औषधि बिरामीलाई निःशुल्क उपलव्ध गराईने छ । टोलीले नुवाकोट र रसुवाका जनस्वास्थ्य कार्यालयहरुसँग समन्वय गरेर आवश्यकता अनुसारका ठाउँमा सेवा दिने छ । आवश्यक देखिएमा थप चिकित्सकीय टोली पठाइने उहाँले बताउनुभयो । देवकोटाले भन्नुभयो “अहिले गएको टोलीले पाँच दिन काम गर्ने छ । अवस्था हेरेर अर्को टोली वा सोही टोली थप समयसम्म बस्न सक्छ ।” उहाँले अगाडि थप्नुभयो “बाढी पछि हुन सक्ने स्वास्थ्य समस्यालाई मध्यनजर गर्दै हामीले स्वास्थ्य टोली पठाएका हौँ ।”

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै