काठमाडौं । भारतको पञ्जाबमा लकडाउन उल्लंघन गर्ने एक समूहले प्रहरी अधिकारीको हात काटिदिएको छ । आइतबार बिहान स्थानीय समयअनुसार सवा छ बजे पटियालास्थित तरकारी बजारमा चार जनाको समूहले स्थानीय प्रहरी असई हार्जीत सिंहको हात काटिदिएको हो ।उनीहरुको गाडी तरकारी बजारमा प्रवेश गर्ने क्रममा प्रहरी टोलीले लकडाउनमा सवारी चलाउन पाउने पास नभएको भन्दै रोकेको थियो । सोही निहुँमा उनीहरुले प्रहरीमाथि आक्रमण गरेका थिए ।
आक्रमणमा प्रहरी असई सिंहको हात काटिएको हो भने उक्त घटनामा अन्य प्रहरी अधिकारीको पनि काँध, कुहिनो तथा खुट्टामा चोट लागेको टाइम्स अफ इन्डियाले उल्लेख गरेको छ ।प्रहरीलाई आक्रमण गरेपछि उनीहरु गुरुद्वारा खिचडी शाहिबतर्फ भागेका थिए । असई सिंहको स्थानीय अस्पतालमा उपचार हुन नसकेपछि चण्डीगढको पीजीआई अस्पतालमा रिफर गरिएको छ ।पटियालाका एसएसपी मन्दी सिंह सिद्दुले अहिले आक्रमण गर्ने चारविरुद्ध मुद्दा दायर गरिएको र उनीहरुलाई पक्राउको प्रयास भइरहेको जानकारी दिए ।इन्डिया टूडेले उल्लेख गरेअनुसार उक्त आक्रमणमा संलग्न रहेको आशंकामा प्रहरीले २० जनालाई पक्राउ गरेको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.