काठमाडौं । अभिनेता अनमोल केसी अभिनीत फिल्मबाट प्रायः नयाँ अनुहारले अभिनेत्री बन्ने अवसर पाउने गरेका छन् । प्रकृति श्रेष्ठ, आना शर्मा, सृष्टि श्रेष्ठ, साम्राज्ञी आरएल शाह, अदिती बुढाथोकी, उपासना सिंह ठकुरी र सुहाना थापा, उनी अभिनीत फिल्मले जन्माएका अभिनेत्री हुन् । उनको जोडी बनेका एकाधबाहेक प्रायः अभिनेत्रीले नेपाली फिल्ममा आफ्नो बलियो उपस्थिति जनाएका छन् । ‘ए मेरो हजुर ४’ मा पहिलो पटक दोहोर्‍याएर एउटै अभिनेत्रीसँग स्क्रिन शेयर गरेका अनमोलले नयाँ फिल्म ‘एन्टी हिरो’ मा अभिनेत्री जसिता गुरुङसँग रोमान्स गर्दैछन् । आफ्नै होम प्रोडक्सनको ब्यानरमा निर्माण हुन लागेको अर्को फिल्म ‘पारस’ मा पनि उनी नयाँ अभिनेत्रीसँग काम गर्ने तयारीमा छन् । फिल्मका लागि आग्या करनजीत लगभग फाइनल भएको स्रोतले बताएको छ । केही कमर्शियल विज्ञापनमा काम गरिसकेकी आग्यालाई अडिसनबाट फिल्ममा छनोट गरिएको जानकारी प्राप्त छ । फाइनल अडिसनमा उनको स्क्रिन टेस्ट गरिएको थियो । निर्माण टिमले आग्यालाई ‘पारस’ मा अनुबन्ध गरेको आधिकारिक घोषणा नगरे पनि उनीसँग मौखिक सम्झौता भइरहेको स्रोत बताउँछ । अहिले अनमोल र आग्याबीच पनि राम्रो चिनजान भइसकेको छ । अनमोलले ६ दिन अगाडि आफ्नो इन्स्टाग्राममा सुनसान ठाउँमा ओछ्याइएको विछ्यौनामा खिचेको एक तस्विर शेयर गरेका थिए । यो तस्विरको क्रेडिट उनले आग्यालाई दिएका छन् । त्यस्तै, सेप्टेम्बर २० तारिखमा आग्याले अनमोल र अनुपविक्रम शाहीसँगको भेटको एक तस्विर इन्स्टाग्राममा पोस्ट्याएकी थिइन् । यसले पनि उनी ‘पारस’ मा अनुबन्ध भएको कुरालाई थप बल पुर्‍याएको छ । इन्स्टाग्राममा २० हजार फलोअर्स रहेकी आग्याको अनमोलसँग केमेस्ट्री सुहाउने देखिन्छ । उनले इन्स्टामा पोस्ट गरेका तस्विरहरु निकै सुन्दर छन् । उनका तस्विरहरुमा अनमोलले पनि कमेन्ट र रियाक्ट गर्ने गरेका छन् । अहिले आग्याले फिल्ममा प्रवेश गर्न आफूलाई तयार बनाइरहेकी छन् । ‘लुट’ निर्माता माधव वाग्लेले निर्देशन गर्ने फिल्मलाई अभिनेता भुवन केसीले निर्माण गर्नेछन् ।

मंसिर ३ गते सौराहामा पहिलो पटक घन्किदै नेपथ्य

२४ दिनमा सकियो ‘मन बिनाको धन–२’को काठमाडौं छायांकन

‘पेन्सन पट्टा’को ‘ऐना हेरेर, कपाल कोरेर’ सार्वजनिक