काठमाण्डौ । एक पटक कोरोनाभाइरस सक्रमण भएर निको भएको व्यक्तिलाई कम्तीमा अर्को पाँच महिना संक्रमण हुंदैन । स्वास्थ्य अनुसन्धानको क्षेत्रमा काम गर्ने वेलायतको एउटा प्रसिद्ध संस्थाले त्यस्तो दावि गरेको हो । पब्लिक हेल्थ इङ्गल्यान्डका अनुसार कोरोनाभाइरस संक्रमण हुने सम्भावना कहिल्यै संक्रमण नभएका व्यक्तिको दाँजोमा एक पटक संक्रमित भएका व्यक्तिलाई ८३ प्रतिशतले कम हुन्छ ।
सन् २०२० को जूनदेखि नोभेम्बरसम्म बेलायतका करिब २१,००० स्वास्थ्यकर्मीलाई कोरोनाभाइरस संक्रमण भएको हेर्न गरिएको नियमित परीक्षणको नतिजामा यो अध्ययन गरिएको हो । अध्ययन गरिएका २१ हजार मध्ये पहिले संक्रमण नभएका व्यक्तिहरूमध्ये ३१८ जनालाई सङ्क्रमण भएको र सङ्क्रमित भएर निको भएका ६,६१४ जनामध्ये ४४ जनालाई मात्रै फेरि सङ्क्रमण भएको थियो । वैज्ञानिकहरूले ती स्वास्थ्यकर्मीहरूको स्वास्थ्य अवस्थाको एक वर्षसम्म अध्ययन गर्ने विविसीले उल्लेख गरेको छ ।
उनीहरूले भाइरसको नयाँ प्रकार र खोपको प्रभावकारिताको पनि अध्ययन गर्ने भएका छन् । सो अध्ययनको नेतृत्व गरेकी प्राध्यापक सुसन हप्किन्सले अध्ययनको नतिजाले निको भएका संक्रमितहरू यसअघि सोचिए भन्दा लामो समय बच्न सक्ने तथ्य पत्ता लागेको बताइन् । तर उनले यसको अर्थ दोहाे-याएर हुनै नसक्ने भन्ने नभएको बताइन् ।
‘पुनः संक्रमित भएका केहीमा लक्षण नदेखिए पनि भाइरसको मात्रा ज्यादै धेरै भएको र अरूलाई सार्न सक्ने देखिनु चिन्ताको विषय हो’ उनको भनाइ छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.