हेटौंडा । हेटौंडा–१० को फरेष्ट्री क्याम्पसको खेल मैदानमा जारी ‘विजय युथ हेटौंडा गोल्डकप’ फुटबल प्रतियोगितामा शनिबार सम्पन्न दुई खेलमा हर्दि र दुधौली स्पोर्टस क्लब विजयी भएका छन्। शनिबार सम्पन्न भएको पहिलो खेलमा वीरगञ्ज युनाइटेडलाई २–० गोल अन्तरले हराउँदै हर्दि युवा समाज राप्ती विजयी भएको हो ।

हर्दिको जितको लागि खेलको सातौं मनिटमा निरज चौधरीले पहिलो गोल गरेका थिए। त्यसैगरी खेलको १३ औं मिनटमा हर्दीका सुरेश कुमालले दोस्रो गोल गर्दै टोलीको जित पक्का गरेका थिए । खेलमा हर्दि युवा समाजका सुरेश कुमालनै म्यान अफ द म्याच घोषित भएका थिए । यो जितसँगै प्रतियोगितामा बाई पाएको हर्दि युवा समाज सेमिफाइनलमा प्रवेश गर्न समेत सफल भएको छ ।

त्यसैगरी शनिबार सम्पन्न दोस्रो खेलमा दुधौली स्पोर्टस् क्लब विजयी भएको छ। दुबै टिम खेल निर्धारित समयमा १–१ गोलको बराबरी रोकिएपछि खेल टाईब्रेकरमा पुगेको थियो । टाईब्रेकर वीरगञ्ज युथ एकेडेमीलाई ४–२ गोल अन्तरले पराजित गर्दै दुधौली स्पोर्टस् क्लब विजयी बनेको हो। दोस्रो खेलमा दुधौली स्पोर्टस्का गोलरक्षक रेम्बो चौधरी म्यान अफ दी म्याच घोषित भएका थिए ।

त्यसैगरी आज माघ १८ गरेपनि दुई खेल हुने आयोजकले जनाएको छ। आजको पहिलो खेल एफसी रियाले काठमाडौं र सेन्ट्रल कलेज भरतपुर फुटबल क्लब हुनेछ भने दोस्रो खेल सर्लाही जिल्ला फुटबल संघ र आयोजक एफसी विजय युथ क्लब बिच हुनेछ। प्रतियोगिताको फाईनल खेल २३ गते हुने आयोजकले जनाएको छ ।

प्रतियोगितामा विजेताले नगद ३ लाख र उपविजेताले १ लाख ५० हजार रुपैयाँ प्राप्त गर्ने छन् भने विधागतरुपमा उत्कृष्ट हुने गोलरक्षक, डिफेन्डर, मिडफिल्डर, फरवार्ड तथा प्रशिक्षकले जनही नगद पाँच–पाँच हजार रुपैयाँ प्राप्त गर्ने छन् । प्रतियोगिताका लागि करिब २५ लाख रुपैयाँ खर्च हुने आयोजकले अनुमान गरेको छ । प्रतियोगितामा मोफासलका १० टोलीको सहभागिता रहेको छ ।

चितवन जिमका सुर्जेले जिते दोस्रो मिस्टर चितवनको उपाधि

बिसिए प्राइड लिग क्रिकेट असोज १८ देखि, खेल तालिका पनि सार्वजनिक

दोस्रो मिस्टर चितवन असोज १६ र १७ गते, तयारी तीव्र