काठमाडौं । आज मातातीर्थ औंसी, आफूलाई जन्मदिने आमाको सम्मान गरी श्रद्धापूर्वक यो पर्व मनाइँदै छ । यस अवसरमा काठमाडौको चन्द्रागिरि पर्वत फेदीमा रहेको थानकोटस्थित मातातीर्थ कुण्डमा स्नान गरी मातृश्रद्धा गर्नेको मेला लाग्ने गर्दछ । तर कोरोना संक्रमणको कारण यस पटक मेला स्थगित भएको छ । वैशाखकृष्णपक्षको औंसी तिथिलाई मातातीर्थ औंसी तथा मातृसम्मान दिवसको रुपमा मनाउने चलन छ । मातृ देवो भव भन्ने वैदिक मान्यता अनुसार यस दिन जन्मदिने आमाको सम्मान गरी फलफूल तथा मिष्ठान्न भोजन गराइन्छ । आमाको मुख हेर्ने दिनका रुपमा परिचित पर्वमा आमाको दर्शन गरी वस्त्र आभूषण प्रदान गरेर सन्तानले आशीर्वाद लिने चलन छ । आमाको आशीर्वादले गर्दा सन्तानले यस संसारमा सुख, समृद्धि प्राप्त गर्ने जनविश्वास छ । यसै दिन दिवंगत आमाको सम्झना गरी मातातीर्थमा गई सन्तानले श्राद्ध गर्ने र फलफूल तथा खाद्यान्न दान गर्ने चलन छ । मातृवियोगबाट विह्वल भएको व्यक्तिलाई भगवान विष्णुले मातातीर्थ कुण्डमा स्नान गर्न लगाई दिवंगत आमाको मुख देखाइदिएको विश्वासमा मातातीर्थमा स्नान दान गर्नेको मेला लाग्ने गरेको कथन छ । चन्द्रागिरी पर्वतको चन्दनयुक्त वनखण्ड रसाएर बनेको पवित्र मातातीर्थ कुण्डमा स्नान गरी दिवंगत आमाको नाममा तर्पण दिनुका साथै पिण्डदान गरी श्राद्ध गर्ने गरिन्छ । विश्वव्यापी रुपमा फैलिएको कारोना भाइरसको संक्रमण रोक्न सरकारले लकडाउन गरेका कारण आजको मातातीर्थ मेला भने प्रभावित भई सामान्य रुपमा यो पर्व मनाइएको छ ।

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै

उत्कृष्ट नतिजा दिलाउने अङ्कुरम् एकेडेमीका विषयगत शिक्षक सम्मानित