चितवन  ।  भरतपुर महानगर फलफूल तथा तरकारी बजारमा बृहत खुल्ला रक्तदान तथा निःशुल्क स्वास्थ्य शिविर सम्पन्न भएको छ । तरकारी बजार परिसरमा स्थित सिद्धि विनायक बचत तथा ऋण सहकारी संस्था लि., फलफूल तथा तरकारी थोक व्यवसायी संघ र कृषि प्रवद्र्धन बजार विकास प्रा.लि.को संयुक्त आयोजनामा सोमबार उक्त कार्यक्रम सम्पन्न भएको हो ।

जिल्लामा भइरहेको रगतको अभावलाई केही मात्रामा भएपनि कम गर्न साथै संस्थाको सामाजिक उत्तरदायित्व वहन गर्दै मानवीय सेवाभावको उद्देश्यले सो कार्यक्रम गरिएको सिद्धि विनायक साकोसका अध्यक्ष थिरप्रसाद धिताल (कृष्ण)ले जानकारी दिए । आफ्ना शेयर सदस्य तथा शुभचिन्तक महानुभावहरुको स्वास्थ्य स्थितिलाई ख्याल गर्दै जिल्लामा रहेको कलेज अफ मेडिकल साइसेन्स (पुरानो मेडिकल कलेज) भरतपुरसँगको सम्झौता अनुरुप उक्त कार्यक्रम गरिएको उनले बताए ।

कार्यक्रममा ८ महिलासहित ४५ जना रक्तदाताहरुले रगत दिएका थिए भने निःशुल्क स्वास्थ्य परीक्षण १०३ जनाले लिएको संस्थाका व्यवस्थापक विकास पौडेलले बताए । व्यवस्थापक पौडेलका अनुसार शेयर सदस्यहरुको उपचारमा पुरानो मेडिकल कलेजबाट आजैबाट २० प्रतिशत छुट र औषधिमा ५ प्रतिशत हुने सम्झौता गरिएको हो । स्वास्थ्य परीक्षण गरिएका १०३ जनाको पहिलो मेडिकल फि छुट हुने उनले भने ।

कार्यक्रमका प्रमुख अतिथि नेफ्स्कुन काठमाडौंका शान्ति अधिकारी, कृषि प्रबद्र्धन बजार विकास प्रा.लि.का अध्यक्ष शालिकराम घिमिरे, फलफूल तथा तरकारी थोक व्यवसायी संघका अध्यक्ष मदनप्रसाद सापकोटा, भरतपुर वडा २ का वडाअध्यक्ष पूर्णबहादुर श्रेष्ठ, उवासंघका राजेन्द्र ओली, संस्थाका पूर्व अध्यक्ष पुरुषोत्तम गौतम, कलेज अफ मेडिकल साइन्सेसका अतिरिक्त निर्देशकलगायतले मन्तव्य दिएका थिए ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै