साङ्केतिक तस्वीर
लमजुङ । लमजुङकी एक १२ वर्षीया बालिकाको महिनावारी रोकिएपछि नातामा दाजु पर्नेले बलात्कार गरेको खुलेको छ । बालिकालाई पटक–पटक बलात्कार गरेको आरोपमा प्रहरीले १९ वर्षीय एक किशोरलाई पक्राउ गरेको छ ।
उनीहरु नजिकै घर भएका नाताले दाजु–बहिनी हुन् । टिकटक बनाउन गएका बेला किशोरले आफूलाई पटक–पटक बलात्कार गरेको बयान बालिकाले दिएकी छन् । बलात्कृत किशोरीको स्वास्थ्य परीक्षणका लागि तनहुँ जिल्ला अस्पताल दमौली पठाइएको छ । दुई जना नातामा दाजु बहिनी रहेको जिल्ला प्रहरी कार्यालय बेसीशहरले जनाइको छ ।
प्रहरीका अनुसार जिल्ला अस्पताल लमजुङमा सरकारी डाक्टर नभएको र सुन्दरबजार अस्पतालका डाक्टरले जवर्जस्ती करणीमा परेकाको स्वास्थ्य अवस्थाबारे हेर्न तालिम नलिएकाले बालिकाको स्वास्थ्य परीक्षणका लागि दमौलीस्थित तनहुँ जिल्ला अस्पतालमा पठाइएको छ । जिल्ला प्रहरी कार्यालयका सूचना अधिकारी ओमप्रकाश पुनका अनुसार किशोरलाई लमजुङ जिल्ला अदालतबाट १५ दिनको म्याद थप गरेर अनुसन्धान अघि बढाइएको छ । किशोरीको महिनावारी रोकिएपछि आमाले सोधेपछि नातामा दाई पर्नेले करणी गरेको जानकारी दिएकी थिइन् ।
घटनावारे परिवारका सदस्यले जानकारी पाए लगत्तै प्रहरीमा उजुरी दिएका थिए । प्रहरीका अनुसार गत माघ महिनामा युवाले पटक–पटक करणी गरेका थिए । बलात्कारमा संलग्न युवाकी बहिनी र पीडित किशोरी साथी हुन् । संगै पढने र टिकटक बनाउनभन्दै पीडित किशोरी युवाको घरमा जाने गरेकी थिइन् ।
प्रहरीका अनुसार घरमा कोही नभएको मौका पारेर किशोरले आफ्नै घर आएकी किशोरीलाई पटक–पटक करणी गरेको प्रारम्भिक अनुसन्धानबाट खुल्न आएको छ । सो घट्नाको अनुसन्धान गरी युवाविरुद्ध जवर्जस्ती करणीको अभियोगमा मुद्दा चलाउने तयारी गरेको प्रहरीले जनाएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.