चितवन । कोरोना बिरुद्धको खोप अभियान अन्तर्गत फागुन २३ गते देखि जिल्लामा ७३ स्थानबाट खोप लगाइने भएको छ । जिल्ला स्वास्थ्य कार्यालय चितवनले आज पत्रकारसम्मेलनको आयोजना गरि७३ स्थानबाट ६५ वर्ष माथिका वृद्धवृद्धालाई खोप लगाइने जानकारी दिएको हो ।

जिल्ला स्वास्थ्य कार्यालयका प्रमुख दिपक तिवारीले दोस्रो चरणका लागि जिल्लामा २९ हजार डोज भ्याक्सिन प्राप्त भइसकेको जानकारी दिनुभयो । उहाँले जिल्लामा अहिले ६० वर्ष माथिका ६५ हजार ६ सय ६ जना रहेका बताउनुभयो । उहाँले जिल्लामा आएको खोपले ८० प्रतिशत नागरिकलाई पुग्ने अनुमान गरिएको बताउनुभयो ।उहाँले खोप अभियानमा ४ सय ७९ जना स्वास्थ्यकर्मी परिचालन हुने बताउनुभयो ।

जस मध्ये २ सय ५१ जना तालिम प्राप्त स्वास्थ्यकर्मी र २ सय २८ जना स्वयमसेबि स्वास्थ्यकर्मी रहने छन् ।प्रमुख तिवारीले ६५ वर्ष माथिका र पहिलो चरणमा छुटपुट भएका अग्रपङ्तीमा खटिनेलाई पनि खोप लगाइने जानकारी दिनुभयो ।उहाँले खोपका लागि उमेर पुगेको परिचय पत्र अनिवार्य मागिने बताउनुभयो ।खोप अभियान फागुन २३ गते देखि २९ गते सम्म चल्नेछ ।

उहाँको अनुसार दोस्रो चरणको खोप अभियानलाई सम्पन्न गर्नका लागि पालिका स्तरीय खोप समन्वय समितिलाई सक्रिय वनाईएको छ । उहाँले चितवनमा अहिले सम्म ६ हजार ८ सय ६२ जना कोरोना सङ्क्रमितको रहेको र सक्रिय संक्रमित ४९ जना रहेका बताउनुभयो । सङ्क्रमित मध्ये १ सय ९ जनाको मृत्यु भएको छ । अहिले इच्छाकामना गाउँपालिका र राप्ती नगरपालिकामा सङ्क्रमित शून्य रहेको उहाँले बताउनुभयो ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै