चितवन  । चितवन मेडिकल कलेज (सीएमसी) मा २५ लाख रुपैयांँमा कलेजो प्रत्यारोपण सेवा पाइने भएको छ । अंग प्रत्यारोपणको लागि महंगो मानिएको कलेजो प्रत्यारोपण देश बाहिर भन्दा कम शुल्कमा सेवा दिइने अस्पतालले जनाएको छ ।

कलेजले २०७६ सालमा कलेजो प्रत्यारोपणको लागि लाईसेन्स प्राप्त गरेपनि राजधानी बाहिर पहिलो पटक आइतवारबाट कलेजो प्रत्यारोपण गरेको हो । आज कलेजले अस्पतालमा पत्रकार सम्मेलन गरी यसबारे जानकारी दिएको छ । ‘भारत लगायतका अस्पतालमा यस उपचारको लागि ५० लाख भारु भन्दा माथि छ । हामीले २५ लाख रुपैयांँमा सेवा दिनेछौं ।’ अस्पतालका निर्देशक डा. हरिश न्यौपानेले भने । चितवन देशकै केन्द्र भएको र कलेजो प्रत्यारोपणको लागि बाहिर लाखौ रकम गएको भन्दै उनले सेवाग्राहीलाई सस्तो र सहज सेवा दिने उद्धेश्यले कलेजले कलेजो प्रत्यारोपणको सेवा शुरु गरेको न्यौपानेले बताए ।

चैत ८ गते आइतबार भरतपुर महानगरपालिका वडा नम्बर १० की ५४ वर्षीया धनकुमारी लामाको सफल कलेजो प्रत्यारोपण गरिएको अस्पताल निर्देशक डा. हरिशचन्द्र न्यौपानेले जानकारी दिए । लामालाई उनकी छोरी ३४ वर्षीया उषा तामाङले कलेजो दान गरेको न्यौपानेले बताए । तामाङको छोरीको शरीरमा कुनै असर नपर्ने आवश्यक कलेजोको मात्रा निकालेर प्रत्यारोपण गरिएको उनले बताए ।उनीहरुको अवस्था सामान्य रहेको छ । यस अघि भक्तपुरको मानव अंग प्रत्यारोपण केन्द्र र काठमाडौंस्थित शिक्षण अस्पतालले कलेजो प्रत्यारोपण गराउदै आएको छ ।

लामाले एक वर्षदेखि काठमाडौंमा कलेजो सम्बन्धी नियमित जाँच गराउदै आएकी थिइन् । क्रोनिक लिभर डिजिज को कारण कलेको प्रत्यारोपण गर्नुपर्ने भएकोले वीर अस्पतालका डा अजित खनालको सल्लाह अनुसार लामा कलेजो प्रत्यारोपणका लागि चितवन मेडिकल कलेज आएकी हुन् । लगातार १२ घण्टा लगाएर कलेजका विशेषज्ञ डा सन्जय यादव, डा एकानन्द सिंह, डा प्रविण जोशी, डा जयन्तकुमार साह, डा अभिषेक भट्टराईसहितको टोलीले शल्यक्रिया गरेको डा न्यौपानेले जानकारी दिए ।

पछिल्लो समय कलेजोको विरामी बढ्दै गएको र केही बिरामीको प्रत्यारोपणको विकल्प नरहेकाले पनि प्रत्यारोपण शुरु गरिएको डा न्यौपानेको भनाई छ । ‘दिनमा कलेजो समस्या भएका २०, देखि ३० जना बिरामी आउंँछन । त्यसमा दुई देखि तीनजनाको प्रत्यारोपण गर्नै पर्ने हुन्छ ।’ उनले भने । कलेजमा गरिएको प्रत्यारोपण नेपालमा नै गरिएको आठौं सफल कलेजो प्रत्यारोपण हो । यसअघि भक्तपुरमा दुई र काठमाडौंमा पांँच जनाको सफल प्रत्यारोपण भएको थियो ।अस्पतालका निर्देशक डा न्यौपानेले कलेजलाई नेपालकै कलेजो प्रत्यारोपण केन्द्रको रुपमा स्थापित गर्ने योजना रहेको बताए ।

सुरुवाती केही प्रत्यारोपण नेपाल बाहिरका चिकित्सकहरुको सहयोगमा सेवा दिइने र त्यसपछि भने कलेजकै चिकित्सकहरुबाट शल्यक्रिया गरिने उनले बताए । अस्पतालले कलेजो प्रत्यारोपण उपचार अत्यन्त संवेदनशी ल हुने भएकाले यसका लागि अलग्गै २ वटा अपरेशन थेटर , आइसियु को व्यवस्था गरेको छ । कलेजो विशेषज्ञ डा सञ्जय यादवले नेपालमा वर्षेनी करीब एक हजार जनाको कलेजो बिग्रिने र उपचारको अभावमा कैयौं ज्यान जाने गरेको भन्दै यसमा बढीभन्दा बढी जनचेतना आवश्यक रहेको बताए ।

‘ कलेजो बिरामी मध्ये औसत ६० जना प्रत्यारोपणका लागि विदेश जाने गर्छन । उनीहरुलाई बिदेशबाट रोक्न र स्वदेशमै सफल उपचार हुन्छ भन्ने सन्देश जान जरुरी छ ।’ उनले भने । उनका अनुसार १८ देखि ५० वर्ष उमेर समूहकाले कलेजो दान गर्न सक्नेछन । दाताको ६० देखि ६५ प्रतिशत कलेजो निकालेर दान गर्न सकिनेछ । कलेजो प्रत्यारोपण को सरकारी नीति र प्रक्रिया सहज भएमा कलेजो प्रत्यारोपण गर्ने , गराउने सबैले सहज सेवा पाउने डा न्यौपानेको भनाई छ । सरकारले अन्य अंग प्रत्यारोपणको लागि उपचार छुट र सहज गरेसंँगै कलेजो प्रत्यारोपणको लागि प्र्रभावकारी नीति ल्याउनु पर्ने उनको धारणा थियो ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै