चितवन – चितवनमा आज (बिहीबार) बाट सुरु भएको ‘सेन्ट्रक कलेज स्व. बिजय खड्गी स्मृति गोल्डकप फुटबल’ मा नुवाकोट युनाइटेड एफसीले बिजयी सुरुवात गरेको छ। प्रतियोगिताको उद्घाटन खेलमा नुवाकोटले सेन्ट्रल कलेज भरतपुर फुटबल क्लब (बीएससी) विरुद्ध ३-० को सहज जित निकाल्यो ।

नारायणगढको क्याम्पा चौरमा भएको खेलमा नुवाकोटलाई जिताउन सजिन सजिन थापा मगरले २ तथा सिसिवस थापाले एक गोल गरे । खेलमा नुवाकोटले पहिलो हाफको १३ औं मिनेटमा गोल गर्दै अग्रता लिएको थियो । भरतपुरका डिफेन्डर बिट भएको अवस्थामा गोलरक्षक मनोज गुरुङ अघि सरेको फाइदा उठाउदै नुवाकोटका सजिन थापा मगरले गोल गरे ।

दोस्रो हाफमा नुवाकोटले थप २ गोल गर्‍यो । दोस्रो हाफको १८ औं मिनेटमा सिसिवस थापाले नुवाकोटका लागी दोस्रो गोल गरे । नुवाकोटले प्रहार गरेको फ्री किक भरतपुरका गोलरक्षकले रोक्ने क्रममा भएको रिबाउन्डमा थापाले गोल गर्दै अग्रता दोब्बर बनाए । दोस्रो हाफको ३३ औं मिनेटमा सजिनले व्यक्तिगत दोस्रो गोल गर्दै ३-० को जित सुनिश्चित गरे । आजको जितसँगै नुवाकोट प्रतियोगिताको सेमिफाइनलमा प्रवेश गरेको छ ।

खेल फर्किन भरतपुरले आधा दर्जन बढि मौका पाए पनि सदुपयोग गर्न सकेन । खेलको म्यान अफ दि म्याच नुवाकोटका सजिन थापा मगर घोषित भए । उनले ५हजार रुपैयाँ प्राप्त गरे । प्रतियोगिता अन्तर्गत फर्साटिकर एफसी रुपन्देही र सुनौलो संगम युवा क्लब बुटवलबीच खेल हुनेछ । अन्तिम समयमा मकवानपुरले सहभागी हुन नसक्ने भएपछि बुटवल आउने भएको हो ।

त्यसअघि प्रतियोगिताको उद्घाटन गर्दै भरतपुर महानगर प्रमुख रेनु दाहालले खेलाडीहरुलाई प्रोत्साहनका लागि विभिन्न कार्यक्रम गरिरहेको बताईन् । यस्तै भरतपुरको खेलकुद बिकासका लागि सबै वडामा एक वडा एक खेल मैदान निर्माणको काम पनि भइरहेको उनले बताईन् ।

मेयर दाहालले बालकुमारी उच्च माविले आफ्नो स्वामित्वमा रहेको क्याम्पा चौर महानगरलाई दिए यसलाई मिनि रंगशालाको रुपम बिकास गर्ने प्रतिवद्धता समेत जनाइन् ।

चितवन जिल्ला फुटबल संघको आयोजनामा सुरु भएको प्रतियोगितामा देशभरका १० टोली सहभागी छन् । प्रतियोगिताको बिजेताले ३ लाख तथा उपबिजेताले १ लाख ५० हजार रुपैयाँ प्राप्त गर्नेछ । प्रत्येक खेलको म्यान अफ दि म्याचले ५ हजार, प्रतियोगिताभरको उत्कृष्ट खेलाडीले २० हजार तथा विधागत रुपमा उत्कृष्ट हुने खेलाडीले १०-१० हजार रुपैयाँ प्राप्त गर्नेछन् । प्रतियोगिता सम्पन्न गर्नका लागि २७ लाख ७३ हजार खर्च लाग्ने अनुमान गरिएको छ ।

सेन्ट्रल कलेज अफ भोकेसनल ट्रेनिङ सेन्टर प्रतियोगिताको मुख्य प्रायोजक हो । प्रतियोगिताबाट बचेको रकम स्व फुटबलर बिजय खड्गीको छोराको अध्ययनका लागि सहयोग गरिनेछ ।

एन्फा २०५७ ब्याचका खड्गीको वैदेशिक रोजगारका लागि कतार गएका उनको ३२ वर्षको उमेरमा निधन भएको थियो । नेपालबाट अण्डर १३ र अण्डर १४ गरी दुई उमेर समूहका खेल खेलेका थिए । उनले चितवनलाई प्रतिनिधित्व गर्दै थुप्रै प्रतियोगिताहरु समेत खेलेका थिए । बिजयको श्रीमती र ३४ महिनाका एक छोरा छन् ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै