नवलपुर।  क्रियाशील पत्रकार महिला डब्लु डब्लु जे नवलपरासीले जिल्लाका महिला पत्रकारहरुलाई प्रेस ज्याकेट वितरण गरेको छ ।

विश्वभर फौलिएको कोराना भाईरस कोभिड १९  बाट सुरक्षित हुन देशमा भएको लडकडाउनको समयमा पनि जिल्लाका विभिन्न संचार माध्यममा समाचार शाखामा निरन्तर रुपमा काममा खटिएका महिला पत्रकारहरुलाई प्रेस ज्याकेट वितरण गरिएको हो ।

जिल्लाभित्र सक्रिय रुपमा काम गर्ने धेरै महिला पत्रकारहरु रहको भए पनि लकडाउनका कारण कतिपय पत्रकारहरु कार्यालय आउने वातावरण नहुँदा विदामा रहेकाले अहिलेको विषम परिस्थितीमा पनि समाचार कक्षमा समाचार वाचन र फिल्डमा खटिरहेका महिला पत्रकारहरुलाई लक्षित गरेर ज्याकेट वितरण गरेको संस्थाकी अध्यक्ष धनु भुषालले जानकारी दिईन् ।

कार्यालय आउदा – जादा प्रेसको चिनारी रुपमा आवश्यक पर्ने ज्याकेट लगाउदा सुरक्षित हुने भएकाले वितरण गरिएको संस्थाकी अध्यक्ष भुषालले बताईन् । लकडाउनको समयमा कतिपय जिल्लाहरुमा पत्रकारमाथी दुव्र्यवहारका घटनाहरु भईरहेकाले त्यस्ता घटनाबाट सुरक्षित हुन ज्याकेट प्रदान गरिएको भुषालले जानकारी दिईन् । कोराना भाईरसको जोखिम न्युनिकिरण भएर समय अनुकूल भएपछि जिल्लाका अन्य त्रियाशिल पत्रकार महिलाहरुलाई पनि ज्याकेट वितरण गर्ने भुषालको भनाई छ ।

देवचुली , कावासोती र मध्यविन्दु नगरपालिकामा रहेका रेडियो र टेलिभिजनमा समाचार शाखामा कार्यरत महिला पत्रकारहरुलाई संस्थाकी अध्यक्ष भुषाल र उपाध्यक्ष ज्ञानु पंगेनी संचार संस्थामै पुगेर ज्याकेट वितरण गरेका हुन् ।

हुप्सेकोट गाउलिकाको सहयोगमा ज्याकेट वितरण गरिएको हो ।

बाढी प्रभावित ऋणीलाई बैंकको किस्ता तिर्न पुस मसान्तसम्मको समय

अब सवारी दर्ता तथा नामसारीका लागि धनी स्वयं यातायात कार्यालय जान नपर्ने

गैँडाकोट इङ्लिस स्कुलको बसले ठक्कर दिँदा मोटरसाइकल चालकको मृत्यु