नवलपुर । कृषकले पालेका गाईको दुग्ध खपत हुन नसक्दा अहिले कृषकहरु मर्कामा परेका छन । बिश्व महामारीको रुपमा फैलिएको काभिड १९ को जोखिम न्युनिकारणका लागि सरकारले जारी गरेको लकडाउनको प्रभावका कारण अहिले गाई तथा अन्य पशुपालन गर्नेहरुलाई थप समस्या परेको छ । लकडाउनका कारण उत्पादन गरिएको दुधले बजार नपाएपछि दुध बिकी्र गरी दैनिकी चलाउने कृषकहरु लागी मुस्किल परेको छ । नवलपुर जिल्लाको विभिन्न स्थानमा फर्म संञ्चालन गरि गाई पालन गर्दे आएका कृषकहरुको दुग्ध शहकारीले लिन नमाने पछि अहिले कृषकहले उत्पादन गरेको दुग्ध खेर जाने अवस्थामा रहेको देवचुली गाई पालन कृषक समुहका अध्यक्ष टेकनारायण सुबेदीले बताए ।

लाखौ लगानी गरी सञ्चालन गरिएका र्फमहरुमा उल्पादन गरिएको दुग्ध खपत नहुदा दैनिक दश हजार भन्दा बढि नोक्सान व्यहोर्नुपरेको कृषक मिना कुमारी पौडेल भनाई छ । लकडाउनका कारण गाई वस्तुलाई खुवाउन आवस्यक पर्ने दाना चापट समस्या भएको कृषकहरुले बताएका छन । उहिरुका अनुसार स्थानिय सरकारले दुग्ध खपत हुने वातावरण मिलाउनु पर्ने र कृषकलाई थप राहत सरकारले प्रदान गर्नु पर्नेमा जोड दिएका छन ।जिल्लाको देवचुली नगरपालिकाको साविक दिव्यपुरी र प्रगतिनगरबाट मात्र दैनिक दशहजार लिटर दुग्ध उत्पादन हुदै आएकोमा हाल भने कृषकहरुले सोचे अनुरुपको दुग्ध खपत गर्न सकि रहेका छैन । जसको प्रत्यक्ष असर कृषकहरुमा परेको छ ।

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै

उत्कृष्ट नतिजा दिलाउने अङ्कुरम् एकेडेमीका विषयगत शिक्षक सम्मानित