बैतडी । सुदूरपश्चिमको पहाडी जिल्ला बैतडीमा स्क्रब टाइफस र औलोका बिरामी फेला पर्न थालेका छन्। इनोफेलिज जातको पोथी लामखुट्टेको टोकाइबाट हुने औलो ज्वरोका बिरामी यो वर्ष पनि देखिन थालेको स्वास्थ्य कार्यालय बैतडीका प्रमुख योगेशप्रसाद भट्टले जानकारी दिए। जिल्लाको शिवनाथ गाउँपालिका २ जोलापानीकी ६ वर्षीया अस्मीता साउँदलमा औलोरोग भएको पुष्टी भएको छ। केही दिनअघि ज्वरो आएकी साउदको परीक्षण गर्दा औलो देखिएको शिवनाथ गाउँपालिकाका स्वास्थ्य संयोजक नरेन्द्र महताले बताए। साउदको अहिले उपचार भइरहेको छ।

एकजनाको औलो देखिएपछि उनका घरपरिवारका अन्य सदस्यहरुमा समेत परीक्षण गर्दा नेगेटिभ रिपोर्ट आएको छ। पोथी लामखुट्टेको टोकाइबाट औलो सर्ने भएकाले सुत्ने बेला झुलको प्रयोग गर्न, घरवरपरको वातावरण सफा राख्नुपर्नेमा स्वास्थ्यकर्मीहरुले जोड दिएका छन्। यस्तै बैतडीको दशरथचन्द नगरपालिका वडा नं ६ का एक ४८ वर्षीय पुरुषमा स्क्रब टाइफसको संक्रमण पुष्टी भएको छ। ती पुरुषमा अत्यधिक ज्वरो आउने भएपछि धनगढीको माया मेट्रो अस्पतालमा चेकजाँच गर्दा स्क्रब टाइफस पुष्टि भएको हो। माइटका कारण सर्ने यो रोगबाट गत साल बैतडीमा ४० भन्दा बढी संक्रमित भएका थिए।

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै

उत्कृष्ट नतिजा दिलाउने अङ्कुरम् एकेडेमीका विषयगत शिक्षक सम्मानित