काठमाडौं । सरकारले काठमाडौं उपत्यकाका सबै सरकारी अस्पताललाई कोभिड अस्पताल बनाउने निर्णय गरेको छ । स्वास्थ्य तथा जनसंख्या मन्त्रालयले मंगलबार गरेको पत्रकार सम्मेलनमा मन्त्रालयका सचिव लक्ष्मण अर्यालले सोबारे जानकारी दिएका हुन् ।

साथै, निजी अस्पतालहरूलाई पनि एक तिहाइ बेड ननकोभिडको लागि छुट्याएर बाँकी बेडहरू कोभिडको लागि प्रयोग गर्न निर्देशन दिएको अर्यालले बताए । संक्रमितहरूको चापलाई मध्यनजर गर्दै पाटन, थापाथली प्रसूति गृह, ट्रमा सेन्टर, टिचिङ अस्पताल, वीर अस्पताललगायतका सबै सरकारी कोभिड अस्पताल बनाउने निर्णय गरेको उनले बताए ।

बेड अभाव र सहज उपचारको व्यवस्था मिलाउन यस्तो निर्णय गरिएको अर्यालको भनाई छ ।

भोटेकोसी बाढीपछि प्रधानमन्त्री राहत कोषमा १७ अर्ब ७५ करोडभन्दा बढी मौज्दात

विद्युत् महसुलको पाँच प्रतिशत भ्याट हटाउन उज्यालो नेपालको हस्ताक्षर अभियान

चितवनमा एचआइभी सङ्क्रमण बढ्दो, नौ महिनामा ८० जनामा पुष्टि