मेलबर्न । अष्ट्रेलियामा एउटा भेडा निकै चर्चित बनेको छ जुन भेडा भेडाजस्तो नभई अनौठो जनावरजस्तो देखिएको छ । उसको शरीर उनले यसरी ढाकिएको थियो कि राम्ररी आँखा पनि देख्न सक्दैनथ्यो । उद्धारकर्ताले बाराक नाम दिएको उक्त भेडो मेलबर्नदेखि ६० किलोमिटर उत्तरमा भेटिएको थियो । स्थानीयहरूले एड्गर्स मिसनका उद्धारकर्तालाई बाराकबारे जानकारी दिएका थिए ।

बाराकको शरीरबाट उद्धारकर्ताले झन्डै ३५ किलोग्राम उन निकालेका छन् । वर्षौंदेखि शरीरमा थुप्रिएको उनले बाराकलाई मृत्युनजिक पुगिसकेको थियो । कुनै बेला घरम पालिएको बाराकको पाँच वर्षदेखि रौं नकाटिएको हुनसक्ने उद्धारकर्ताले अनुमान गरेका छन् । भेडाको शरीरबाट कम्तिमा वर्षमा एक पटक उन निकाल्नुपर्छ नत्र त्यो बढ्दैबढ्दै गएर समस्या हुन थाल्छ ।

उद्धारकर्ताले उन निकालेपछि बाराक अहिले दुब्लो पातलो र राम्ररी देख्न सक्ने भएको छ । बाराकलाई मिसनले अहिले उद्धार गरिएका अरू भेडासँगै राखेको छ । बाराक बिस्तारै तन्दुरूस्त भइरहेको मिसनले जनाएको छ ।

तीन दाजुभाइको १४० दिनको समुद्री यात्रा, बनाए यस्तो कीर्तिमान

फ्रान्सले फिर्ता गर्‍यो १२८ वर्षअघि टाउको काटेर लगेको मेडागास्करका राजाको खप्पर

आगामी कार्यभार भरतपुरमा उद्यमशिलताको विकास: प्रमुख रेनु दाहाल