यस्तै यस्तैबिच फेरि आत्महत्या प्रकरण प्रोत्साहन
भोकमरिको, प्रेमको, बेइज्जतको आत्महत्या
कहिले चलचित्रको कहानी बनेर प्रत्यक्ष नाटक देखाइन्छ
सिकाइन्छ मर्ने तरिका
घरै बसि बसि बच्चा बच्चालाई
प्राक्टिकल सहितको मार्ने पाठ

यसो हेर्छु अर्को दिन उहीँ मोबाइल खोल्छु
टि भिमा लगाउछु समाचार
आउछ रगत तातिने अर्को नयाँ खबर
जातीय द्वन्दको चर्को आवाज गाउँ अनि शहर
जातीय विभेदले पारेको गहिरो खाड्ल हेर्छु
अनि त्यही खाडलमा एकपछि अर्को पुरिँदै गरेको समाचार आउँछ केही दिन
अनि सेलाउछ पुनः नयाँ घट्नाको साथ

सुनिन्छ पुरानै राजनैतिक अस्त व्यस्तता
आरोप प्रत्यारोप
म त,, मेरो तेरो ,,मपाइत्तो, घमण्ड ,होच्याइ
उहीँ फेसबुकका वालहरुमा
हुन्छ तछाड मछाड अबोध जनताबिच
सभामा भने कमेडी शो चलिरहन्छ बार बार ।

जनता जुधाउदै गाउँटोलमा
नेता कुम जुधाउदै बालुवाटारमा ,
एकपछि अर्को गर्दै भ्रष्टाचार देशद्रोहिको नरकीय कार्यमा ब्यस्त नेता अनि समर्थन र बिरोधमा
सिनाजोरी गरेका कार्यकर्ता ु
यस्तै यस्तै भेटिन्छन आजभोलि
उस्तै उस्तै देखिन्छन आजभोलि

,देउवा ,प्रचण्ड , नेपाल र ओलिको
नाङ्गो नाच हेरेर तालि ठोक्ने
अनि जिब्रो टोक्ने जमातको त के कुरा
सायद सतिले सरापेको मेरो देशमा
पापको घडा भरिइसक्यो ।
उम्लिदै छन्, बौरिदैछन्, कोहि खौरैदैछन
आफ्ना आफ्ना दारी जुँङा अनि चरीत्र

सोच्दैछु ।।
बेला भएको छ अब दशा गरा फ्याक्ने ।
चारकुनै बाधेर फिरि लगाइ सङ्क फुक्ने।

रोग ,शोक, भोकमा ट्वाल्ल विश्व देख्छु
मेरो देशको नानदिेखिको बानीले पारेको प्रभावको दिक्दारी खबर सुन्छु
कोरोनाको नाममा भैरहेको कालो बजारी सुन्छु
बिचल्लीमा गरिब देशको जनताको मरन्च्यासे अनुहार हेर्छु
शिक्षा मन्त्री ,गृहमन्त्रीको लापरबाहीपन हेर्छु
जिम्मेवारबिहिन पद, अनभिज्ञ सन्देश गुन्छु
उफ १ मेरो देशको सरकार १ भन्दै एकछिन आँखा थुन्छु ।

जनता सबै ।।
प्रधानमन्त्रीको हावादारी गफसङ्गै उडिरहेका छन ।
यता र उता कागले कान लग्यो भन्दै दौडिरहेका छन ।।
देश गोरे कालेले च्यापिरहँदा ,
हामी मोबाइलबाटै देशको बिजोग घुरिरहेका छौ ।

आउँछ समाचार, बन्छ समाचार
तर भएन मेरो देश कहिल्यै सदाचार ।।
सम्पत्तिको सत्ताको लोभमा
साना देखि ठूलासम्म हुन्छ भ्रष्टाचार।
दिन रात बिहान साझ सुन्छु , म समाचार ।।।