चितवन । चितवनमा गत बैशाख दोस्रो साता पछि गरिएको निशेधाज्ञाका कारण उद्योग दर्ता गर्नेको संख्यामा तीन गुणाले कमी आएको छ । घरेलु तथा साना उद्योग कार्यालय, चितवनले दिएको तथ्यांक अनुसार चैत्र महिनामा सबै उद्योग गरी ३८७ ओटा उद्योग दर्ता भएकोमा बैशाख महिनामा जम्मा १२३ ओटा उद्योग दर्ता भएका हुन् । दर्ता भएका उद्योग मध्ये सबै भन्दा बढी वन तथा कृषिजन्य उद्योग रहेका छन ।

जसअनुसार चैत्र महिनामा यो शिर्षकमा २५६ वटा उद्योग दर्ता भएका थिए भने बैशाख महिनामा ८७ वटा उद्योग दर्ता भएका छन । यस्तै चैत्र महिनामा उत्पादनमुलक उद्योग ५३ वटा बैशाख महिनामा १३ ओटा , चैत्र महिनामा सेवामुलक उद्योग ७१ वटा र पर्यटनमुलक उद्योग ७ वटा दर्ता भएका थिए भने बैशाख महिनामा सेवामुलक २२ वटा उद्योग र पर्यटनमुलक उद्योग एउटा मात्र दर्ता भएको छ । दुई महिनामा उर्जामुलक उद्योग, निर्माणमुलक उद्योग र विज्ञान तथा सूचना प्रविधिजन्य उद्योग भने दर्ता भएका छैनन ।

कार्यालयका लेखाप्रमुख नारायण लम्सालले निशेधाज्ञाले गर्दानै उद्योग दर्ता गर्नेको संख्यामा न्यून रहेको बताए । ‘कोरोना महामारीको हल्ला संँगै बैशाखको पहिलो सातादेखिनै उद्योग दर्ता गर्ने कम हुदै गएका थिए , उनले भने, बैशाख १६ देखि त निशेधाज्ञानै जारी भयो ।’ गतसाल भएको कोभिड महामारीको समयमा भन्दा यसपटक उद्योग दर्ता गर्नेको संख्या उल्लेख्य रहेको उनको भनाई छ ।

अनुदानले वनतथा कृषिजन्य उद्योगमा आकर्षण

कार्यालयमा सबै शिर्षकभन्दा बढी वन तथा कृषिजन्य उद्योगमा आकर्षण बढेको पाईएको छ । ‘कृषि क्षेत्र सरकारको प्राथमिकता परेको क्षेत्र पनि भयो, लेखा अधिकृत लम्सालले भने, यो क्षेत्रमा अनुदान र सहुलियत व्याजदर पनि उपलब्ध छ ।’ चितवन कृषि क्षेत्रको हब भएको र उत्पादन र प्रशस्त संभावना रहेकोले पनि यस शिर्षकमा बढी उद्योग दर्ता हुने गरेको उनले बताए ।

कार्यालयले उद्योगबाट चालु आर्थिक बर्ष बैशाखसम्ममा ८ करोड भन्दा बढी राजश्व संकलन गरिसकेको छ । ‘यो आवमा ८ करोड संकलन गर्ने अनुमान थियो , अहिलेनै ८ करोड नाघिसकेको छ उनले भने , निशेधाज्ञा नभएको भए असार मसान्त सम्म १० करोड पुग्थ्यो ।’ अबका दिनमा निशेधाज्ञा खुकुलो भएपनि उद्योग दर्ता गर्नेको संख्यामा उत्साह नहुने उनको भनाई छ ।

‘चालु आर्थिक बर्ष सकिने बेला पनि भयो, उनले भने, असारमा क्लोजिङ्ग शुरु हुने हुंँदा बैंकले ऋण प्रवाहमा पनि कडाई गर्छन ।’ हाल यस कार्यालयबाट ५ लाख देखि पांँच करोड पूजी भएका उद्योग दर्ता हुदै आएका छन । कार्यालयले उद्योग दर्ता गरेवापत न्यूनतम १२ हजार १सय रुपैयांँ राजश्व लिने गरेको छ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै