चितवन । लकडाउनका कारण प्रत्येक सरकारी कार्यालयको राजस्व संकलन प्रभावित भएसंगै ट्राफिक कार्यालय, चितवनको राजस्व संकलनमा पनि गिरावट आएको छ । उक्त कार्यालयले दिएको जानकारी अनुसार वैशाख महीनामा जम्मा २ लाख ५सय रुपियाँ राजस्व संकलन भएको छ । सो अवधिमा ७२ ओटा ट्रक, पांँच ओटा बस, ५६ ओटा जीप भ्यान ८ ओटा ट्रयाक्टर १२६ ओटा मोटरसाइकल, र ५ ओटा टेम्पोलाई कारवाही गरेवापत उक्त राजस्व संकलन भएको हो । चैत महीनामा यी सबै सवारी साधनबाट जरिवाना बापत ११ लाख ९७ हजार रुपियाँ राजस्व संकलन भएको थियो । कार्यालयका प्रमुख दयाकृष्ण भट्टले लकडाउनका कारण सबैजसो सवारी थन्किएकाले राजस्व संकलनमा असर परेको बताए । ‘सवारी चलेपछि नै दुर्घटना, ट्राफिक उल्लंघन बढ्ने हो, उनले भने, ‘अहिले अत्यावश्यक सवारी मात्र चलेका छन् ।’ हाल लकडाउन उल्लंघन गर्ने ती सवारीसाधनको कारवाहीबाट मात्र राजस्व संकलन भएको उनले जानकारी दिए । कार्यालयले फागुन महीनामा ३० लाख ८७ हजार रुपियाँ राजस्व संकलन गरेको थियो । आर्थिक बर्ष ०७६र ०७७ यता हाल सम्म कार्यालयले २ करोड ११ ला ७८ हजार रुपियाँ राजस्व संकलन गरेको बताएको छ ।
दुर्घटनामा पनि कमी
लकडाउनका कारण सवारी साधन समेत नचलेका अनुसार सवारी साधन दुर्घटनामा समेत कमी आएको छ । कार्यालयले दिएको जानकारी अनुसार बैशाख महिनामा जम्मा सात ओटा दुर्घटना भएका छन् । चैत महीनामा १० ओटा सवारी दुर्घटना भएको थियो । प्रमुख भट्टका अनुसार बेलुकीको समयमा लकडाउन उल्लंघन गर्ने चालकबाट सवारीसाधन दुर्घटना भएको उनले जानकारी दिए । फागुन महीनामा २१ ओटा सवारी दुर्घटना भएको थियो । दुर्घटनाबाट वैशाख महीनामा २ जना, चैत महीनामा ३ जना र फागुन महीनामा ९ जनाको मृत्यु भएको छ । चालू आर्थिक वर्षको हालसम्ममा जिल्लामा जम्मा २२८ ओटा सवारी दुर्घटना भएको उक्त कार्यालयले जानकारी दिएको छ । वैशाखसम्म भएको सवारी दुर्घटनाबाट जम्मा ९८ जनाको मृत्यु भएको कार्यालयले बताएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.