चितवन । रत्ननगर नगरपालिकाले नगर भित्रका तीन जना साहित्यकारलाई सम्मान तथा नौं वटा प्रकाशित कृतिलाई पुरस्कृत गरेको छ । नगरपालिकाले सोमवार सौराहामा एक कार्यक्रमको आयोजना गरी कला,साहित्यको क्षेत्रमा योगदान दिएका साहित्यकार र कति तथा लेखकहरुले प्रकासनमा ल्याएको कृतिलाई पुरस्कृत गरेको हो । साहित्यकारहरु केशवराज आमोदी,मोदनाथ मरहठ्ठा र विश्वनाथ खनाललाई नगद पुरस्कार सहित सम्मान गरिएको हो । उनीहरुलाई मेयर नारायण वन,उपमेयर विमला दुवाडीले दोसल्ला र सम्मानपत्रले सम्मान गरेका थिए ।

सो नगरपालिकाले साहित्यकारहरु रामबाबु घिमिरद्धारा लिखित निवन्ध संग्रह केन्द्र र परिधि,इश्वरी ओझाद्धारा लिखित महाकाब्य अविश्रान्त अवनी,श्यामजी अतिथिद्धारा लिखित रत्ननगरका विभिन्न धार्मिक संस्थाको चिनारी,गिरिधारी घिमिरे विशिष्ट द्धारा लिखित जीवनका भोगाईहरु,धनराज गिरीद्धारा लिखित लघुकथा संग्रह साथी,डा.कृष्णप्रसाद पौडेलद्धारा लिखित कम्मरी देखि कोभिड सम्म,सुमन घिमिरेद्धारा लिखित अग्रेजी कविता संग्रह साइक्लोन अफ फायर,दुर्गा कुमार पुरीद्धारा लिखित निबन्ध संग्रह फरक र मिरा तिमिल्सिनाको मुक्तक संग्रह आशु सुकेको छैनलाई पुरस्कृत गरेको हो ।

उक्त कृतिहरुलाई नगद सहित पुरस्कृत गरिएको हो । कार्यक्रममा बाल्मिकी साहित्य सदनका अध्यक्ष तथा साहित्यकार रामबाबु घिमिरेले सम्मानित व्यक्तिहरुले कला तथा साहित्य क्षेत्रमा पु¥याएको योगदानको चर्चा गरेका थिए । कार्यक्रमका प्रमुख अतिथि समेत रहेका मेयर वनले कला,साहित्य र संस्कृति मार्फत रत्ननगरलाई राष्ट्रिय रुपमा चिनाउन कवि,साहित्यकारहरुले खेलेको भूमिका अहम रहेको भन्दै कला,संस्कृति र साहित्यको उत्थानको लागि नगरपालिकाले गर्नुपर्ने जिम्मेवारी पुरा गर्न पछि नपर्ने बताए ।

कवि तथा साहित्यकार हाम्रा सम्पती हुन उनले भने उहाँहरुको सम्मान र संरक्षण गर्नु स्थानीय सरकारको दायित्व हो । कार्यक्रममा कवि सुदेश सत्यालले एकल कविता बाचन समेत गरेका थिए । उनले एक दर्जन कविता बाचन गरेको कार्यपालिका सदस्य राजेन्द्र हमालले जानकारी दिए । कार्यक्रममा कवि तथा गजलकारहरु मिरा मरहठ्ठा,कमल अर्याल,सुमन घिमिरे,मीरा तिमिल्सिना, विश्वनाथ खनाल,डा.कष्ण पौडेल,गिरिधारी घिमिरे,मोदनाथ मरहठ्ठा,धनराज गिरी,तिलकराज शर्मा,इश्वरी ओझा लगायतले रचना बाचन गरेका थिए ।

सामाजिक विकास समितिका संयोजक केशव आचार्यको अध्यक्षतामा भएको कार्यक्रममा उपमेयर दुवाडी,प्रमुख प्रशासकीय अधिकृत शिशिर पौडेलले मन्तव्य तथा वडा नं २ का वडाध्यक्ष तथा साहित्यकार तिलकराज शर्माले स्वागत मन्तव्य राखेका थिए ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै