चीनसँग सीमा जोडिएको क्षेत्रका बारेमा भारतीय प्रधानमन्त्री नदेन्द्र मोदीले आफ्ना सुरक्षा सल्लाहकारहरुसँग छलफल गर्नुभएको छ । प्रधानमन्त्री मोदीले देशको सुरक्षा अवस्थाका बारेमा सुरक्षा सल्लाहकार आजीत डोभाल र सैनिक प्रमुख जनरल विपिन रावतसँग छलफल गर्नुभएको हो। भारतमा विद्यमान तीनै थरीका सैनिकका तर्फबाट वर्तमान अवस्थाका बारेमा जनरल रावतले प्रधानमन्त्री मोदीलाई तयारीको खाका पेस गरेका छन् ।
चीनसँगको सीमा क्षेत्रमा समस्या देखिएपछि प्रधानमन्त्री मोदीले मङ्गलबार साँझ सुरक्षा निकायहरुसँग छलफल गर्नुभएको हो । खासगरी लद्दाख क्षेत्रमा चीनसँग बढ्दै गएको तनावलाई सुल्झाउन प्रधानमन्त्री मोदीले सैनिक निकायसँग उपायको खोजी गर्नुभएको स्रोतले बताएको छ। सेनाले हस्तान्तरण गरेको योजनामा रणनीतिक र सामरिक विकल्पका बारेमा सुझाव दिएको छ । हाल सीमा क्षेत्रमा चीनले ५ हजार सैनिक तैनाथ गरेको छ भने भारतीय पक्षले उत्तिकै सङ्ख्यामा आफ्ना सैनिक तैनाथ गरेको छ।
यता भारतीय रक्षामन्त्री राजनाथ सिंहले चीनसँग सीमा जोडिएका उत्तर सिक्किम, उत्तराखण्ड, अरुणाचल, लद्दाख क्षेत्रमा चीनको कुनै पनि आक्रमणको भारतले डटेर सामना गर्ने बताउनुभएको छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.