चितवन। समाजसेवी व्यक्तित्व हेमबहादुर न्यौपानेको जिवनमा आधारित “संघर्षशील मेरो जिवनयात्रा” नामक पुस्तक सार्वजनिक भएको छ। आज (शनिबार) उहाँको ८१ औं शुभजन्मोत्सवको अवसरमा भरतपुरमा पुस्तक विमोचन कार्यक्रम भएको सम्पन्न भएको हो। वि.सं. १९९७ साल साउन ९ गते क्व्होलासोथार गाउपालिका, हुसिमराङ लमजुङमा जन्मनु भएका हेमबहादुर हाल भरतपुर-१२ थानिचोक, चितवनमा बसोबास गर्दै आउनु भएको छ।

उहाँले आफ्नो जिवनकाल भरी विभिन्न सामाजिक कार्यमा आफुलाई ब्यतित गर्नु भएको छ। हेमबहादुर न्यौपाने भारतिय सेनामा २२ वर्ष कार्यरत हुनुहुन्थियो। उहाँ क्यानसर सेवा समाजका उपाध्यक्ष पनि हुनुहुन्थ्यो। साथै उहाँ न्यौपाने कल्याण समाज,नेपालका संरक्षक समेत हुनुहुन्छ। ४७ शिर्षकमा रहेको उहाँको पुस्तक २ खण्डमा प्रस्तुत गरिएको छ। उक्त पुस्तकको खण्ड “क” मा जिवनयात्रा र खण्ड “ख” मा कविता सङग्रह समावेश गरीएको छ।

न्यौपानेको पुस्तकमा जिवन संघर्षको कथा प्रस्तुत भएको छ र पाठकहरुमा आफ्नो जिवनलाई कसरी संघर्षशिल बनाउन सकिन्छ भन्ने प्रेरणा मिल्दछ। कार्यक्रममा हेमबहादुर न्यौपानेले पुस्तकमा आफ्नो जिवन कथा समेटिएको र सम्पुर्ण पाठकहरुलाई पुस्तक अध्यन गर्न र उहाँको जिवनको कथाको सहयात्री बन्न आग्रह गर्नु भएको छ। मन्तव्यको क्रममा उहाँले आफुले लेखेको पुस्तक केवल किताब मात्र नभएर दुख सुखका अनुभव समेत रहेको बताउनुभयो।

कार्यक्रम बाग्मति प्रदेशका माननिय साम्सद बिजय सुबेदिको प्रमुख आतिथ्यतामा र न्यौपाने कल्याण समाज, नेपालका अध्यक्ष रामहरि न्यौपानेको अध्यक्षतामा सम्पन्न भएको थियो भने कार्यक्रम न्यौपाने कल्याण समाज, नेपालको आयोजनामा भएको हो । उक्त पुस्तकका प्रकाशक हेमबहादुर न्यौपानेको छोरी ज्वाइ अशोक अधिकारी/ मुना न्यौपाने(अधिकारी) हुनु हुन्छ। कार्यक्रम बौद्धिक व्यक्तिहरु, सामाजसेवि, राजनीतिक व्यक्तिहरुको उपस्थितिमा भएको थियो।

 

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै