काठमाडौं । पछिल्लो २४ घण्टामा नेपालमा २ हजार ७५ जनामा कोरोनाभाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार शनिबार देशभरका प्रयोगशालामा पीसीआर विधिबाट ७७०३ जनाको र एन्टिजेन विधिबाट ५३७२ जनाको परिक्षण गर्दा २ हजार ७५ जनामा संक्रमण पुष्टि भएको हो ।

यो सँगै कुल संक्रमितको संख्या ७ लाख ४५ हजार ७३१ पुगेको छ। पछिल्लो २४ घण्टामा थप २३८२ जना कोरोना संक्रमण मुक्त भएका छन् । याेसँगै हालसम्म कोरोना जित्नेको संख्या ६ लाख ९५ हजार ९२५ जना रहेका छन् ।

निको हुनेको दर ९३.३ प्रतिशत छ । त्यस्तै, आज थप ३० जनाको कोरोनाबाट मृत्यु भएको छ । हालसम्म १० हजार ४८५ जनाले ज्यान गुमाएका छन् । कुल संक्रमितमध्ये ३९ हजार ३२१ सक्रिय संक्रमित छन्।

हाल ३६ हजार १५ जना होम आइसोलेसन रहँदा ३ हजार ३०६ जना संस्थागत आइसोलेसनमा छन्। ४२३ जना क्वारेन्टाइन, ७१८ जना आइसीयू र १६६ जना भेन्टिलेटरमा रहेको मन्त्रालयले जनाएको छ ।

सिएमसी अस्पतालमै दसैँको टीका, बिरामीका निधारमा खुसी र आँखामा भावुकता

जसले चाहेर पनि परिवारसँग दसैँको टीका लगाउन पाउँदैनन्

उपराष्ट्रपतिबाट बडादसैँको टीका ग्रहण