एजेन्सी । कश्मिरका विखण्डनकारी नेता सइद अली गिलानीको निधन भएको छ । ९२ वर्षको उमेरमा उनकाे बिहीबार श्रीनगरस्थित आफ्नै घरमा निधन भएको हो । उनी लामो समयदेखि बिरामी थिए । गिलानीको मृत्युपछि सम्भावित हिंसालाई मध्यनजर राख्दै कश्मिरको मुख्य सहर श्रीनगरका सडकमा सुरक्षा व्यवस्था कडा पारिएको छ ।
प्रहरीले गिलानीको घरनजिकको सडकमा काँडेतार र अवरोध राखेको छ । सरकारले श्रीनगरमा कफ्र्यू लगाउने र इन्टरनेट सेवा अवरुद्ध गर्न सक्ने भारतीय सञ्चारमाध्यमहरुले जनाएका छन् । पाकिस्तानले गिलानीको मृत्युप्रति शोक व्यक्त गरेको छ । प्रधानमन्त्री इमरान खानले गिलानीलाई ‘स्वतन्त्रताका योद्धा’ भन्दै उनको मृत्युबाट पाकिस्तान सरकार दुःखी भएको बताएका छन् । गिलानीले आफ्नो सम्पूर्ण जीवन जनता र उनीहरुको अधिकारका लागि लडेको खानले उल्लेख गरेका छन् ।
गिलानीले करिब १० वर्ष जेल जीवन बिताएका थिए । जमात-आई-इस्लामी पार्टीको तर्फबाट उनी भारत प्रशासित कश्मिरमा १५ वर्षसम्म विधान सभा सदस्य बने । प्रधानमन्त्री नरेन्द्र मोदी नेतृत्वको सरकारले सन् २०१९ मा जमात-आई-इस्लामीमाथि प्रतिबन्ध लगाएको थियो । गिलानीले झन्डै दुई दर्जन विखण्डनकारी पार्टीहरुको छाता संगठन अल पार्टिज हुरियत कन्फरेन्सको नेतृत्व गरेका थिए ।
उनले कश्मिरबारे हुने जुनसुकै वार्ताको विरोध गर्थे । भारत र पाकिस्तानले मुसलमानहरुको बाहुल्यता रहेको कश्मिरलाई आ–आफ्नो दाबी गर्दै आएका छन् । विखण्डनकारी आन्दोलनका कारण भारत प्रशासित कश्मिर विगत तीन दशकदेखि अशान्त छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.