काठमाडौं । विकेट किपर ब्याट्सम्यान मोनांक पटेलले उत्कृष्ट शतकीय पारी खेलेपछि अमेरिकाले पहिलो एक दिवसीयमा नेपाललाई २३१ रनको चुनौतिपूर्ण लक्ष्य प्रस्तुत गरेको छ । निर्धारित ५० ओभरको खेलमा ९ विकेट गुमाउँदै अमेरिकाले २३० रनको स्कोर खडा गरेको हो । टस जितेर अमेरिकाले पहिलो ब्याटिङ रोजेको थियो ।
नियमितरुपमा अमेरिकाले विकेट गुमाइरहे पनि एउटा इन्डमा मनांकले पकड जमाइरहे । उनी ११४ बलमा १०० रन बनाएर आउट भएका थिए । मोनांकको ब्याटिङमा निर्भर देखिएको अमेरिकाका लागि निस्राग पटेलले २१, करिम गोरे र सुशान्त मोडानीले १६/१६ बाहेक अन्य ब्याट्सम्यानले उल्लेख्य प्रदर्शन गर्न सकेनन् । नेपालका लागि सन्दीप लामिछाने, विक्रम शोब, सुशन भारीले २/२ विकेट लिँदा कुशल मल्लले १ विकेट लिए ।
नेपालका तीव्र गतिका बलरहरू सोमपाल कामी र करण केसी विकेट बिहीन रहँदा सुशनले १० ओभरमा ३१ रन मात्रै खर्चिएर २ विकेट लिएका थिए । विश्व कप लिग-२ अन्तर्गत ओमान-अमेरिका-नेपालबीच आजदेखि सुरु भएको एकदिवसीय अन्तर्राष्ट्रिय शृंखलामा भोलि नेपालले ओमानसँग खेल्ने छ ।
लोकप्रिय
-
१.
-
२.
-
३.
-
४.
-
५.
-
६.
भर्खरै
-
१.
-
२.
-
३.
-
४.
-
५.
-
६.
-
७.
-
८.