चितवन । चितवनको पर्यटकीय नगरी सौराहामा सिटी हल निर्माणको काम तीव्र पारिएको छ । संघीय सरकारबाट विनियोजित रकमबाट रत्ननगर ७ सिसुवारमा झण्डै एक हजार जना अट्ने क्षमताको सिटी हल निर्माण तीव्र पारिएको हो । ठुलो आयोजना भएकाले लकडाउनका वेला पनि लगातार काम भईरहेको रत्ननगरका मेयर नारायण वनले जानकारी दिए । कुल ३५ करोड २२ लाख ७० हजार ८१४ रुपैया लागतमा एउटा मिनिहल सहितको सिटी हल निर्माण गर्न लागिएको हो । ठुलो आयोजना भएकाले वि।सं। २०७९ वैशाख २१ गते सम्म सम्पन्न गर्ने लक्ष्य लिईएको छ । लकडाउन भएपनि निर्माणको जिम्मा पाएको रेलिगेर कन्स्ट्रक्सन प्रालि ललितपुरले निर्माणस्थलमै कामदारलाई वसोवासको व्यवस्था गरेर काम गरिरहेको छ । सौराहा सिटीहल सहित रत्ननगरका झण्डै दुई दर्जन योजनाहरुको शुक्रवार प्रदेश सभा सदस्यसहितको उपस्थितीमा जिल्ला समन्वय समिति चितवनले अनुगमन गरेको छ । त्यस्तै सौराहाको पप साईड राप्ती नदि किनारमा तटवन्धन,वकुलहर रत्ननगर अस्पताल,रत्ननगरका निर्माणाधिन वडा कार्यालयहरु,इको टुरिजम पार्क लगायतको अनुगमन गरिएको थियो । ति योजनाहरुका बारे रत्ननगरका मेयर नारायण वनले अनुगमन टोलीलाई जानकारी गराएका थिए । टोलीमा बागमती प्रदेश सभा सदस्य कृष्ण प्रसाद खनाल,जिल्ला समन्वय समिति चितवनका प्रमुख कृष्णकुमार डल्लाकोटी,रत्ननगरका मेयर नारायण वन,जिसस समन्वय अधिकारी चुडामणी शर्मा गौतम,जिसस सदस्य लिलादेवी पोखरेल लगायत प्राविधिक र पत्रकारहरु सहभागी थिए । शुक्रवारनै जिल्ला समन्वय समिति चितवनका उपप्रमुख मुना श्रेष्ठको संयोजकत्वमा भरतपुर महानगरपालिका भित्रका योजनाहरुको अनुगमन सुरु गरिएको छ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै