चितवन । गत वैशाखमा हावाहुरी र असिनापानीले तरकारी खेतीमा क्षती पुर्याएपछि खैरहनी नगरपालिकाले किसानहरुलाई राहत रकम प्रदान गरेको छ । नगरको आन्तरीक श्रोतबाट १० लाख भन्दा वढि रकम पीडित किसानहरुलाई राहत स्वरुप प्रदान गरेको नगरपालिकाले जनाएको छ । क्षतीको वर्गिकरण गरि उनीहरुलाई राहत रकम प्रदान गरिएको थियो । तरकारीको पनि वर्गिकरण गरिएको थियो । हावाहुरी र असिनापानीले नगरपालिकाको वडा नम्वर १० र ११ मा वढि क्षती पुर्याएको थियो । यि दुई वटा वडा तरकारी उत्पादनमा अव्वल छन् । किसानलाई दिईएको राहत रकम थोरै भएपनि दुखमा साथ दिईएको खैरहनी नगरपालिकाका मेयर लालमणि चौधरीले वताए । एक कठ्ठा भन्दा वढि जग्गामा खेती गरेका किसानलाई राहत दिईएको चौधरीले वताए । वढि क्षती भएको वडा नम्वर १० र ११ मा क वर्गमा करेला,खुर्सानी र खर्वुजा तथा ख वर्गमा अन्य तरकारीलाई राखिएको थियो । क वर्गको तरकारी क्षती भएकालाई प्रति कठ्ठा ५ सय ५० रुपैया र ख वर्गको तरकारी क्षती भएकालाई प्रति कठ्ठा ४ सय ५० रुपैयाका दरले प्रदान गरिएको नगरपालिकाको कृषि शाखाका प्राविधिक सहायक धु्रव आचार्यले जानकारी दिए । वाँकी वडाको क वर्गमा पर्ने तरकारीको प्रति कठ्ठा ४ सय ५० रुपैया र ख वर्गका लागि ४ सय रुपैया प्रदान गरिएको आचार्यले वताए । हावाहुरी र असिनापानीले खैरहनीमा २ हजार २ सय ८९ कठ्ठामा लगाईएको तरकारी वालीमा क्षती पुर्याएको थियो । खैरहनी ६ का किसान कृष्ण धरेलले रकम थोरै भएपनि किसानको दुखमा नगरपालिकाले साथ दिएको प्रति खुसी व्यक्त गरे । क्षतीको रकम थोरै हो किसान धरेलले भने – नगरले आफ्नै श्रोतबाट राहत रकम दिएकोमा खुसी छु । तर राहत दिदा अनुगमन गर्नु पर्ने उनको सुझाव थियो ।

गरिमा धान पीडितलाई पनि राहत वितरण

अघिल्लो वर्ष गरिमा नामक हाईब्रिड धानको बीउ रोप्दा नोक्सानी बेहोरेका किसानहरुलाई राहत रकम प्रदान गरिएको छ । संघीय सरकारबाट प्राप्त भएको २५ लाख ४८ हजार रुपैया बरावरको राहत रकम खैरहनी नगरपालिकाले यहाँका किसानहरुलाई प्रदान गरेको हो । राहत रकम कठ्ठाका दरले दामासाही रुपमा वितरण गरिएको छ । खैरहनीमा ४ हजार १ सय १० कठ्ठामा गरिमा जातको धान लगाईएको थियो । प्रतिकठ्ठा ६ सय १९ रुपैयाका दरले किसानहरुलाई वितरण गरिएको खैरहनी नगरपालिकाका प्रमुख प्रशासकीय अधिकृत पुरुषोतम शर्माले जानकारी दिए । उत्पादनको आधारमा नभई लागत मुल्य निर्धारण गरेर किसानलाई राहत दिईएको हो । कृषि ज्ञान केन्द्रले उत्पादन लागत प्रतिकठ्ठा ३ हजार ६ सय ३५ रुपैयाँ कायम गरेको थियो । खैरहनी १० का किसान कृष्ण अर्यालले ढिलै भएपनि राहत रकम प्राप्त हुनु राम्रो पक्ष भएपनि क्षती अनुसार ज्यादै न्युन रहेको वताए । उनले १५ कठ्ठामा गरिमा धान लगाएका थिए । आफुले पाएको रकमलाई राहतको रुपमा लिएको छु किसान अर्यालले भने – क्षतीपूर्ती हो भने यो न्यायोचित छैन् । चितवनमा गरिमा धानका कारण किसानले १० करोड १९ लाख भन्दा वढिको नोक्सानी वेहोरेका थिए ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै