चितवन । मष्तिस्कघातका कारण गम्भिर विरामी भएका चितवनका पत्रकार द्धारिका नेपालको आज असमायिक निधन भएको छ । गृहजिल्ला रौतहटको चन्द्रनिगाहापुर जाने क्रममा असोज २५ गते बाराको तामागढी जंगलमा पुग्दा एक्कासी मष्तिस्कघात भै अर्धचेत अवस्थामा पुगेका उनको काठमाडौंको ग्राण्डी अस्पतालमा उपचार भैरहेको थियो ।

चितवनमा उपचार सम्भव नभएपछि हेलिकोप्टर मार्फत उनलाई असोज २६ गते काठमाडांै लगिएको हो । उनको उपचारको क्रममा आज बिहान निधन भएको पारिवारिक श्रोतले जानकारी दिएको छ । लामो समयदेखि चितवनको कालिका एफ एममा कार्यरत नेपाल प्रेस चौतारी नेपाल बाग्मती प्रदेश कमिटि सदस्य समेत हुन् ।

गजल मंच चितवनको अध्यक्ष समेत रहेका उनि विभिन्न विद्यालयहरुमा अध्यापन गर्दै आएका थिए । भरतपुर महानगरपालिका वडा नं. १० रमाईलोचोक स्थित निवासमा विहान ११ वजेपछि अन्तिम श्रद्धाञ्जलीका लागि पार्थिव शरिर राखिने र आजै पवित्र तिर्थस्थल देवघाटमा अन्त्येष्टी गरिने रहेको पारिवारिक श्रोतले जानकारी दिएको छ ।

नेपालका श्रीमती, एक छोरी र एक छोरा छन् । उनको निधनले पत्रकारिता र साहित्यको क्षेत्रमा अपुरणीय क्षति भएको भन्दै सामाजिक सञ्जालमा समवेदना व्यक्त गरिएको छ ।

क्युएफएक्स जलमाको तेस्रो हल शुक्रबारदेखि सञ्चालनमा आउने

मंसिर ३ गते सौराहामा पहिलो पटक घन्किदै नेपथ्य

चितवनमा बिल्ड नेपाल एक्स्पोको तयारी शुरु, स्टल बुकिङ्ग धमाधम गरिदै