☰

भर्खरै

लोकप्रिय समाचार

आज यस्तो छ आइतबारको मौसम पूर्वानुमान

  •   आइतबार, जेठ ३२, २०७७ मा प्रकाशित
    • अ
    • अ
    • अ

    काठमाडौं । मौसम पूर्वानुमान महाशाखाका अनुसार अहिले नेपालको पूर्वी भागबाट मनसुनी वायुको प्रवेश भैसकेको छ भने पश्चिमी भू–भागमा पश्चिमी वायुको प्रभाव पनि कायमै रहेको छ । हाल प्रदेश १ र सुदुर पश्चिम प्रदेशका तराई क्षेत्रमा र देशभरका पहाडी भू–भागमा आंशिकदेखि सामान्य बदली रहेको महाशाखाले जनाएको छ। आज दिउँसो प्रदेश १ र प्रदेश २ मा पूर्ण बदली रही देशका अन्य प्रदेशहरूमा सामान्य बदली रहनेछ । प्रदेश १, प्रदेश २, बाग्मती प्रदेश, गण्डकी प्रदेश, प्रदेश ५ का केही स्थान र बाँकी प्रदेशका थोरै स्थानहरुमा मेघगर्जन र चट्याङ सहित वर्षाको संभावना रहेको मौसम पूर्वानुमान महाशाखाले जनाएको छ । त्यसैगरी प्रदेश १ र प्रदेश २ को एक, दुई स्थानमा भारी वर्षाको सम्भावना रहेको छ। आज राती सुदुर पश्चिम प्रदेशमा सामान्य बदली रही बाँकी प्रदेशहरूमा पुर्ण बदली रहने महाशाखाले जनाएको छ । प्रदेश २, गण्डकी प्रदेश, प्रदेश ५ र कर्णाली प्रदेशका केही स्थानहरुमा र बाँकी प्रदेशका थोरै स्थानहरुमा मेघगर्जन र चट्याङसहित वर्षाको संभावना रहेको मौसम पूर्वानुमान महाशाखाले जनाएको छ। त्यसैगरी गण्डकी प्रदेश र कर्णाली प्रदेशका एक, दुई स्थानमा भारी वर्षाको सम्भावना रहेको छ।

    लोकप्रिय

    भर्खरै